Згради на Заводот за заштита на спомениците на културата и музеј – Прилеп

Згради на Заводот за заштита на спомениците на културата и музеј – Прилеп — управни згради во градот Прилеп, прогласени за културно наследство на Македонија. Во нив е сместен Заводот и музеј, кој се грижи за културно-историските добра на прилепскиот крај и изложува поставки во својот музејски простор.

Згради на Заводот за заштита на спомениците на културата и музеј – Прилеп
Постарата зграда
Општи податоци
Статус	споменик на културата
Вид	музејски, складиштен и канцелариски
Стил	староградски
Адреса	ул. „Александар Македонски“ бр. 142
Град	Прилеп
Земја	Македонија
Завршена	1941 (прва) 1970 (втора)

Историја

Зградите се наоѓаат на улица „Александар Македонски“ (старо име „Моша Пијаде“) бр. 142. Едната е изградена од 1939 до 1941 година, а другата во 1970 г. Првично ова била зградата на Општина Прилеп, а со изградбата на новата општинска зграда, тука е сместен Институтот и музеј.

Опис

Едната зграда е приземна, со масивни уидови од тула и Дрвен повеќеводен покрив со ќерамиди. Се влегува непосредно од улица. Има голема внатрешна сала преку која која се влегува во изложбениот простор, библиотеката и една канцеларија.

Втората зграда се состои од приземје и кат. Изградена е исто така од полна тула и има дрвен покрив со ќерамиди. Влезот е од задниот двор, а просториите се насочени кон север и запад, и се користат како депоа.

Во рамките на комплексот има и приземни објекти од тула со дрвен покрив и ќерамиди, сместени на југи запад. Тука исто така има депоа и канцеларии.

Градбите имаат украсни елементи фасадите и зачуван ритам на прозорците.

Поврзано

• Културно наследство на Македонија во Општина Прилеп