Ел Вискаино
Биосферниот резерват Ел Вискаино, создаден во 1988 година,[1] се наоѓа во општината Мулехе во северниот дел на Јужна Долна Калифорнија, во средината на полуостровот Долна Калифорнија помеѓу Тихиот Океан и Калифорнискиот Залив. Со површина од над 24.930 квадратни километри,[2] тој е најголемото засолниште за диви животни во Мексико и се граничи на северниот раб на заштитената област на флора и фауна Ваље де лос Сириос.
| Биосферен резерват Ел Вискаино | |
|---|---|
МСЗП — Категорија VI (заштитено подрачје под раководство со ресурси) | |
 Пеликан на брегот на биосферниот резерват Ел Вискаино   Ел Вискаино | |
| Место | Јужна Долна Калифорнија, Мексико |
| Најблизок град | Санта Росалија |
| Координати | 27°47′32″N 114°13′40″W / 27.79222° СГШ; 114.22778° ЗГД |
| Воспоставен(а) | 1988 |
| Службен назив: Китовски резерват Ел Вискаино | |
| Тип: | Природен |
| Критериуми: | x |
| Прогласено: | 1993 (17. сесија) |
| Број | 554 |
| Држава: | Мексико |
| Регион: | Латинска Америка и Карибите |
Историја уреди
Кочимите први го населувале овој регион пред повеќе од единаесет илјади години, номади кои доаѓале од северот на американскиот континент. Овие номадски скитници живееле во заштитата на пештерите во планинскиот венец Сиера Сан Франциско. Патниците кои патуваат во овој планински регион сè уште можат да ја видат нивната пештерска уметност. Шпанските конквистадори пристигнале во оваа област во 16 век. Хуан Родригес Кабриљо бил првиот истражувач што се движел по крајбрежјето, додека Себастијан Вискаино ја истражувал внатрешноста на подоцнежниот биосферниот резерват во 1596 година во име на Гаспар де Зуњига, вицекрал на Нова Шпанија.[3]
Фауна уреди
Животните кои се прилагодиле на овие екстремни услови вклучуваат различни ноќни животни како што се којоти, глодачи и диви зајаци; други се прилагодиле само на внесување вода од сукуленти. Најистакнат меѓу цицачите е долнокалифорниската вилорога антилопа (Antilocapra americana peninsularis), ендемичен подвид на вилорогите антилопи, кој е еден од најбрзите цицачи на Земјата. Последните населенија на овој подвид можат да се најдат во регионот. Вискаино е исто така живеалиште на пустинската големорогова овца (Ovis canadensis nelsoni), мулов елен (Odocoileus hemionus peninsulae) и десетици трајни и преселнички птици. Од особено значење: орлите-рибари, кормораните, чапјите и галебите - и четири видови морски желки. На крајбрежјето и островите има многу морски цицачи, како што се северни слоновити фоки (Mirounga angustirostris), калифорниски морски лавови (Zalophus californianus), делфини и сиви китови (Eschrichtius robustus).
Поглед уреди
Наводи уреди
- ↑ Vizcaino Biosphere Reserve - Park Profile - General information Архивирано на 26 јуни 2020 г.. Посетено на 30 март 2021.
- ↑ ANP 282 - El Vizcaíno Архивирано на 4 март 2016 г.. Посетено на 30 март 2021.
- ↑ Jiménez González, Victor Manuel (јули 2015). Baja California Sur - Los Cabos - Cabo San Lucas - Loreto - La Paz: Guía de viaje del Estado de Baja California Sur.