Господари на пеколот
Господари на пеколот (англиски: Hellraiser) — култен британски натприроден филм на ужасите од 1987 г. напишан и режиран од Клајв Баркер и произведен од Кристофер Фиг, заснован на новелата на Баркер „Господари на пеколот“ од 1986 г. Овој филм го одбележал режисерското деби на Баркер. Неговиот заплет вклучува мистична кутија со загатки што ги повикува Сенобитите, група садомазохистички суштества од други пространства што не можат да разликуваат болка од задоволство. Водачот на Сенобитите е претставен од Даг Бредли и е утврден во продолженијата како „Пинхед“. „Господари на пеколот“ бил снимен на крајот на 1986 г. Првото јавно прикажување на филмот се одржало на 10 септември 1987 г. во киното „Принц Чарлс“. Филмот заработил само околу 14,6 милиони долари.[6][7]
| „Господари на пеколот“ | |
|---|---|
 Филмскиот плакат | |
| Режисер | Клајв Баркер |
| Продуцент | Кристофер Фиг |
| Главни улоги | |
| Музика | Кристофер Јанг |
| Монтажа | Ричард Марден |
| Дистрибутер | Entertainment Film Distributors[1] |
| Премиера | 10 септември 1987 г. (Лондон) |
| Времетраење | 93 минути[2] |
| Земја |  Обединето Кралство[1][3] |
| Јазик |
|
| Буџет | 1 милион долари[4] |
| Бруто заработка | 14,6 милиони долари[4][5] |
Содржина
уредиФренк Котон доаѓа во сопственост на таинствена кутија со загатки во Мароко. Според легендата, кутијата ветува врвна телесна екстаза. По отворањето, Френк е страшно растргнат од куки и ланци. По одредено време, братот на Френк, Лари, и неговата сопруга Џулија, која исто така е поранешна љубовница на Френк, се преселуваат во поранешното живеалиште на Френк. Ужасната верзија на мртовецот на Френк се појавува и ја принудува Џулија да заведува и убива мажи, дозволувајќи му на Френк да ја пие нивната крв и да го врати својот физички облик. Кирсти, ќерката на Лари, го открива чудовишниот Френк на поткровјето на куќата и успешно бега со кутијата. Со отворањето на кутијата, Кирсти ги повикува суштествата познати како „Сенобити“. Во очајнички потег, таа преговара со Сенобитите за повторно да го затворат Френк во замена за нејзиниот сопствен живот.
Во меѓувреме, Френк и Џулија соработуваат за да го убијат Лари. По враќањето на Кирсти дома, таа доаѓа до вознемирувачкото откритие дека Френк ја излупил кожата од безживотното тело на Лари, користејќи го како маска за да го подражава нејзиниот татко. Френк, во обид да ѝ наштети на Кирсти, ненамерно завршува со убиство на Џулија. Пред Френк да ја изврши својата закана против Кирсти, Сенобитите се појавуваат и уште еднаш го растргнуваат. Кирсти презема брзо дејство, ја затвора кутијата и со тоа ги протерува Сенобитите. Последователно, Кирсти ја решава кутијата со загатки. На крајот, кутијата се враќа кај првоначалниот продавач што првично му ја продал на Френк.
Улоги
уреди| Глумец | Улога |
|---|---|
| Ешли Лоренс | Кирсти Котон |
| Шон Чепмен | Френк Котон |
| Клер Хигинс | Џулија Котон |
| Ендру Робинсон | Лари Котон |
| Даг Бредли | Пинхед (главниот Сенобит) |
| Грејс Кирби | женскиот Сенобит |
| Николас Винс | Чејтер (Сенобитот што штрака со забите) |
| Сајмон Бамфорд | Батербол (дебелиот Сенобит) |
| Оливер Смит | Френк како чудовиштето |
| Роберт Хајнс | Стив |
| Кенет Нелсон | Бил |
Наводи
уреди- ↑ 1,0 1,1 Newman, Kim (September 1987). „Hellraiser“. Monthly Film Bulletin. British Film Institute (644): 276–277. ISSN 0027-0407.
- ↑ „HELLRAISER (18)“. British Board of Film Classification. 19 June 1987. Посетено на 31 July 2013.
- ↑ „Review: 'Hellraiser'“. Variety. Посетено на 3 October 2015.
- ↑ 4,0 4,1 Hellraiser, Box Office Information. The Numbers. Retrieved 22 September 2012.
- ↑ „Hellraiser“. Box Office Mojo. Посетено на 14 May 2011.
- ↑ Collis, Clark. „Clive Barker is Back from the Dead“. Архивирано од изворникот на 14 July 2018. Посетено на 6 June 2016.
- ↑ Binion, Cavett. „Hellraiser (1987)“. www.allmovie.com. Посетено на 1 September 2019.
Надворешни врски
уреди| „Господари на пеколот“ на Ризницата ? |
- Hellraiser на филмската база TCM
- Hellraiser на
Семрежната филмска база на податоци (англиски)
- Hellraiser на Box Office Mojo