Глув барут

„Глув барут“ (српски: Глуви барут) — југословенски филм од 1990 година, во режија на Бахрудин Ченгиќ, а снимен по истоимениот роман на Бранко Ќопиќ. Улогите ги толкуваат: Мустафа Надаревиќ, Бранислав Лечиќ, Мира Фурлан и Боро Стјепановиќ.

Синопсис

Во филмот се прикажуваат настаните во едно српско планинско село во Босна за време на Втората светска војна. Жителите на селото се наоѓаат растргнати меѓу две идеологии, меѓу четниците и партизаните, а главните претставници на тие идеологии се партизанскиот комесар Шпанац и поранешниот кралски офицер Радекиќ. Шпанац е индоктриниран фанатик кој сака да го промени светот без оглед на жртвите, додека Радекиќ е реален познавач на состојбите, човек по потекло од тие краишта кој сака да го заштити народот, дури и по цена на сопствените идеали. Шпанац го гледа Радекиќ како причина за отпорот на селаните кон партизанската идеологија...