Вранина тврдина

Вранина тврдина (грчки: Βρανόκαστρο, Вранокастро или Κάστρο Παλαιοχωρίου) — античка и средновековна одбранбена тврдина кај селото Палихор, Правишко, Егејска Македонија.

Вранина тврдина

Βρανόκαστρο
Тврдината гледана од Палихор
Место	Палихор, Правишко
Област	Егејска Македонија, Грција
Координати	40.9455° СГШ; 24.1898° ИГД / 40.9455; 24.1898
Вид	тврдина
Историја
Раздобје	антика и среден век
Белешки за наоѓалиштето
Состојба	урнатини

Местоположба

Утврдувањето се наоѓа на рид во североисточните пазуви на планината Кушница, источно од с. Палихор.

Историја

Тврдината е наречена по византискиот војсководец Алексиј Врана, кој ја обновил во XII век. Месното предание ја поврзува со Александар Македонски и затоа го носи другото име „Тврдина на Александар Македонски“ (Κάστρο του Μ. Αλεξάνδρου).

Изградена е од македонската држава за заштита на златните рудници во околината, кои учествувале во финансирањето на походите на Александар Македонски во Азија. По исцрпувањето на наоѓалиштата, таа е напуштена.

Во римскиот период замокот понекогаш се користел како стражарска испостава, но постепено излегол од употреба.

Во 1185 г. византискиот војсководец Алексиј Врана ја обновил тврдината, ѝ го зајакнал утврдувањето и поставил гарнизон. Овојпат таа немала улога на рудници, кои повеќе не постоеле, туку да ги контролира преминот и патот меѓу венецот Кушница и езерото Прасијада, кое тогаш ја опфаќало денешната рамница на Филипи. Во 1383 г. тврдината е освоена од Османлиите. Според месно предание, опсадата траела четириесет дена.

Во Горниот град на тврдината има мал параклис посветен на Свети Тодор. За празникот Тодорица жителите на Палихор и пошироката околина одат таму на поклоление.

Галерија

• 
  Ридот над Палихор и Вранината тврдина. Во далечината е планината Боздаг
• 
  Тврдината гледана од седлото под неа
• 
  Кулата на тврдината. Десно се гледа дел од малиот параклис „Св. Тодор“

Надворешни врски

• Вранина тврдина на Ризницата ^?