Вирцбуршки дворец

Вирцбуршки дворец (германски: Würzburger Residenz) — кнежевски дворец во Вирцбург, Германија, дело на тогашниот водечки барокен архитект Балтазар Нојман, по нарачка на кнезот-епископ на Вирцбург, Јохан Филип Франц фон Шенборн и неговиот брат Фридрих Карл фон Шенборн во 1720 г. и бил завршен во 1744 г. Фреските во внатрешноста ги насликал венецијанскиот сликар Џовани Батиста Тјеполо со помош на неговиот син Доменико. Највеличествени простории се скалиштето, капелата и големиот салон. Наполеон Бонапарт дворецот го нарекол „најубавиот владички дом во Европа“.

Вирцбуршкиот дворец со градините и плоштадот

светско наследство на УНЕСКО
Критериум	културно: i, iv
Навод	169
Запис	1981 (V заседание)

Дворецот бил многу оштетен во Втората светска војна, и неговата реставрација е започната уште од 1945 г. Во 1981 г. е прогласен за светско наследство на УНЕСКО.

Градинаската фасада на дворецот

Фасадата со чесниот двор

Поврзано

• Вирцбург
• Балтазар Нојман
• Џовани Батиста Тјеполо

Надворешни врски

• Страна за баварски дворци и градини Архивирано на 4 април 2005 г. (англиски)