Венсенска Шума

Езерото

Хиподромот во Венсен

Венсенската Шума (фр. Bois de Vincennes) е парк во англиски стил во источниот дел на Париз. Паркот го носи името по градот Венсен кој се наоѓа во близина.

Оваа шума е дел од XII округ во Париз.

Подрачјето зафаќа површина од 9,947 км² (или 2,458 акри), што е речиси трипати пошироко од Централ Парк во Њујорк, и четири пати пошироко од Хајд Парк во Лондон.

Историја

Во минатото паркот бил ловиште за француските кралеви, а потоа, после Француската револуција станал место на кое се правеле воени вежби. Во јавен градски парк се претворил за време на Наполеон III во 1860.

Паркот официјално станал дел од градот Париз во 1929.

Знаменитости

Bois de Vincennes

Високата кула на Венсенскиот замок

На северниот крај на Венсенската Шума се наоѓа Венсенскиот замок, кој бил омиленото второ живеалиште на многу француски кралеви во 14-от век.

Шумата се користи денес и за спортски активности. Во источниот дел се наоѓаат Венсенскиот хиподром и велодром, а воедно и Францускиот институт за спорт и физичко образование.

Во западниот дел се наоѓа зоолошка градина.

Езера

На подрачјето на Венсенската Шума се простираат 4 езера, напојувани со вода од реката Марна:

• Езерото Домезнил, на запад, со површина од 12 хектари, на кое има два острова
• Езерото Миним, на североисток, со површина од 6 хектари и 3 острови
• Езерото Сен-Манде, на северозапад
• Езерото Гравел, на југозапад, со површина од 1 хектар.

Надворешни врски

• Bois de Vincennes website