Веркор

Веркор (фр. Vercors) е венец од висорамнини и планини во департманите Изер и Дром во предалпското подрачје на Франција. Венцот се протега западно од Дофинеските Алпи, и се одвојува од нив со реките Драк и Изер. Гребенот на источниот крај гледа кон градот Гренобл. Највисок врв е Гран Вемон со 2.341 m надморска височина.

Во карстни предели на висорамнината се наоѓаат познатите Веркорски пештери, меѓу кои и пештерата Гуфр Берже.

Веркор има неколку центри за скијачко трчање и скијање. Најголемиот скијачки центар е Вилар-де-Лан.

Регионот се прочул во II светска војна кога Веркорските макијци го предводеле Француското движење на отпорот против германските окупатори и во јуни и јули 1944 г. и ја основале т.н. „Слободна Република Веркор“.

Поврзано