Василка Костова Размова
Василка Костова Размова (? - 2 мај 1903) — македонска учителка и револуционерка, деец на ВМОРО.
| Василка Костова Размова | ||
| Родена | ? Охрид, Македонија | |
|---|---|---|
| Починала | 2 мај 1903 Охрид, Македонија | |
Животопис
уреди
Василка Размова е родена во Охрид во семејството на Коста Размов. Завршила женската гимназија во Солун, и станала учителка во родниот град.[1] Се приклучила на женската организација на ВМОРО во Охрид Успение на Богородица. По заминувањето на Славка Пушкарова за Скопје во 1900 година, на чело на организацијата биле поставени Василка Размова и Поликсена Попантова. Учителките организирале болница за ранети и болни четници во двоспратната куќа на семејството на Андроник Скопакови. Оваа куќа била митрополија во времето кога тука делувал митрополитот Синесиј Скопски. Василка Размова учествувала во везењето на востаничкото знаме.
Василка Размова умрела по долго боледување од туберкулоза во Охрид, на 2 мај 1903 година.[2] Погребана е од владиката Методиј Охридски.[3]
Наводи
уреди- ↑ Илинден-Преображение 1903. София: Български писател. 1968. стр. 191.
- ↑ Спространов, Евтим (1994). Дневник, том 1 (1901 - 1907). София: Македонски научен институт. стр. 268. ISBN 954-8187-11-6.
- ↑ Спространов, Евтим (1994). Дневник, том 1 (1901 - 1907). София: Македонски научен институт. стр. 269. ISBN 954-8187-11-6.