Бренски манастир
Бренски манастир — манастир во јужниот дел на Македонија, на северозападните падини на планината Ниџе, во месноста Брен во близина на селото Градешница.[1]
 Поглед на манастирот | |
| Информации | |
|---|---|
| Целосно име | Бренски манастир |
| Други имиња | Манастир „Свети Илија“ |
| Манастир на: | МПЦ - ОА |
| Посветен на | Свети Илија |
| Епархија | Преспанско-пелагониска |
| Цркви | Црква „Св. Илија“ |
| Личности | |
| Место | |
| Место | во близина на Градешница, Општина Новаци  Македонија |
| Координати | 41°05′26″N 21°46′20″E / 41.09056° СГШ; 21.77222° ИГД |
| Видливи остатоци | една црква, конак, чешма, помошен објект, трпезарии |
| Отворен за јавноста | да |
| Други информации | (Старавинска парохија) |
Градби
уредиВо склоп на манастирот влегуваат една црква, конак, чешма, помошен објект и трпезарии.
Конак
уредиКонакот на црквата бил изграден и осветен на 1 август 2000 година.
Чешма
уредиМанастирската чешма била изградена во 1919 година, а била обновена во 1990 година. На нејзино место се наоѓа извор којшто е познат по бистрата и лековита вода. Во врска со изворот се поврзани две верувања кај месното население. Според првото, водата од Брен не се носи дома. Според второто, со водата од изворот се снабдувала тврдината Пешта. Ова сознание го имале мештаните, но не и отоманските власти кои долго време не можеле да ја освојат тврдината, а тоа им успеало дури по откривањето на подземните канали преку кои тврдината се снабдувала со вода.[2][3]
Црква „Свети Илија“
уредиГрадбата на црквата е со правоаголна основа и полукружна апсида на источната страна. Внатрешноста на црквата не е зографисана, со исклучок на иконостасот којшто наместо икони содржи фрески.
Настани
уредиВо чест на благденот Илинден, на 1 и 2 август секоја година манастирот го посетуваат неколку илјади гости од целата област Мариово.[4]
Галерија
уреди-
Манастирската црква -
Чешмата -
Трпезариите -
Трпезарија -
Дворот на манастирот
Наводи
уреди- ↑ Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. стр. 15. ISBN 978-608-65143-2-7.
- ↑ „Извор – Манастир Св. Илија (Брен) во близина на с. Градешница Архивирано на 16 октомври 2021 г.“. Итар Пејо.
- ↑ „Манастир „Свети Илија“ – Брен, село Градешница“. Rural Adventure.
- ↑ „Градешница Архивирано на 5 октомври 2021 г.“. Мој Роден Крај.
Надворешни врски
уреди
Бренски манастир на Ризницата ?
