Божиќен колач
Божиќен колач е вид на овошен колач што се служи на Божиќ во многу земји.[1] Може да биде во било која форма и големина, со било кој состав или декорација. Во многу земји, божиќниот колач се украсува со куќичка, елка, ликот на Дедо Мраз, и други новогодишни детали. Во Македонија, за Божиќ традиционално се подготвува сув колач со суво овошје.[2]
 Традиционален божиќен колач | |
| Вид | Овошен колач |
|---|---|
| Дел од оброкот | Десерт |
Видови на „божиќен колач“ уреди
Во Шкотска, божиќниот колач се подготвува со виски, суво грозје, кандирани цреши и друг вид на кандирано овошје, според рецепт кој потекнува од градот Данди. Во Јоркшир, божиќниот колач се јаде со сирење. Во Германија, традиционалниот божиќен колач е сувиот овошен колач Штолен. Во Италија се подготвува вид на леб од кисело тесто, што содржи суво грозје и друг вид на кандирано овошје. На Кипар, божиќниот колач се служи на Божиќ, и тоа е првото нешто што домаќинот го нуди на своите гости.
Во Америка, постои обичај да се подарува овошен колач за Божиќ, иако не го нарекуваат „божиќен колач“.[3]
Во Јапонија, божиќниот колач се јаде на Бадник, односно вечерта пред Божиќ. Најчесто е подготвен со многу крем, украсен со јагоди и чоколадо.[4][5]
Наводи уреди
- ↑ http://www.thefreedictionary.com/Christmas+cake
- ↑ „Рецепт за божиќен колач“.
- ↑ Robert Sietsema (November 20, 2002). „A Short History of Fruitcake“. The Village Voice. Архивирано од изворникот на 2008-06-18. Посетено на 2017-01-07.
- ↑ Lee, Diana. „Eating Christmas Cake is a Japanese Tradition“. Uniorb. Посетено на 13 December 2015.
- ↑ Konagaya, Hideyo (2001). „The Christmas Cake: A Japanese Tradition of American Prosperity“. The Journal of Popular Culture. 34 (4): 121–136. doi:10.1111/j.0022-3840.2001.3404_121.x.