Битолски Ејалет

Битолски Ејалет (турски: Manastır Eyaleti) – ејалет на Отоманското Царство. Постоел од 1826 до 1864 година на подрачјето на модерна Македонија, Србија, Албанија и Грција. Понекогаш, по грешка, овој ејалет се нарекува Румелиски, како што било името на многу поголем ејалет што претходно постоел.

Битолски Ејалет
Ејалет на Османлиско Царство
← 1826–1864 →
Местоположба на Manastır Eyaleti Битолскиот Ејалет во 1850-тите
Главен град		Битола
Историја
-	Основана	1826
-	Укината	1864

Историја

Во 1826 година, како резултат на административната реформа на султанот Махмуд II од Румелискиот Ејалет, се одделиле Одринскиот и Солунскиот Ејалет, а самиот Румелиски Ејалет бил преобразуван во Битолски Ејалет. Истата година, главниот град на покраината бил преместен во Битола. Честопати постои забуна, погрешно се верува дека Румелискиот Ејалет продолжил да постои.

Задачата на битолскиот паша била да обезбеди османлиско владеење во централниот дел на Балканскиот Полуостров. Сепак, тоа било тешко да се направи, со оглед на постојаните востанија на Србите и Црногорците. Ситуацијата била тешка и во Албанија.

Во 1828-1829 година, североисточните области на ејалетот, особено Софија, биле окупирани за време на Руско-турската војна.

Во 1846 година, од територијата на ејалетот биле одделени во посебни провинции Видин и Ниш. Во 1864 година ејалетот бил преобразуван во Битолски Вилает.

Економија

Основата на економијата било земјоделството. На подрачјето на ејалетот работеле рудници на благородни метали и разни руди. Меѓутоа во 1830-тите и 1850-тите години ејалетот доживеале економска и социјална криза. За износот на даноците собрани во тоа време има малку информации.

Административна поделба

Санџаци во ејалетот во средината на 19 век:

• Скадарски Санџак
• Охридски Санџак
• Битолски Санџак
• Касториски Санџак

Управители на ејалетот

Управители на ејалетот:

• Осман-паша (септември 1844 - август 1845)
• Мехмед Селим-паша Енесте Хасеки (август 1845 - март 1848)
• Черкез Хафиз Мехмед-паша (март 1848 - мај 1850)
• Пајасли Исмаил-паша (мај 1850 - април 1851)
• Мустафа Тосун-паша (април 1851 - октомври 1853)
• Али Риза Мехмед-паша (ноември 1853 - февруари 1854)
• Арнавут Махар Осман-паша (септември 1858 - август 1859)
• Ебубекир Рустем-паша (август 1859 година - март 1860 година)
• Алјанак Мустафа-паша (март 1860 - јули 1863)
• Махмуд-паша (јули 1863 - јуни 1864)

Наводи