Бајки (приказни од Ханс Кристијан Андерсен)

„Бајки“ е книга со приказни од Ханс Кристијан Андерсен, издадена од „Македонска книга” и „Детска радост“, во 1967 година”, како прва книга од серијата „Одбрана лектира за 1 и 2 одделение“. Преводот го извршил Борис Благоески.

Технички одлики

Книгата има 63 страници и не е каталогизирана. Таа е испечатена во тираж од 10 000 примероци, во печатницата „Нова Македонија“. Корицата е дело на Младен Туниќ.

Содржина

Х. К. Андерсен, „Бајки“, Македонска книга и Детска радост, 1967.

Во книгата се содржани осум приказни на Х.К. Андерсен:

• Палешка
• Јовче будалчето
• Царевата нова облека
• Принцезата на едно зрно грашок
• Навистина е така
• Огнилото
• Грдото шатче
• Славејот

Занимливости

Покрај сказните, книгата содржи и куса биографија на Х. К. Андерсен, со наслов „Белешка за писателот“ која не е потпишана. Покрај другото, во неа пишува: „Андерсен во данската и во светската литература останува познат по своите сказни. За него Шекспир вели: Андерсен е оној чуден Данец, којшто е направен од она од што се направени и соништата“. Меѓутоа, авторот на оваа белешка изумил дека Шекспир (кој умрел во 1616 година) никако не можел да даде изјава за Андерсен, кој е роден во 1805 година, т.е. два века подоцна!