Ана Мато
Ана Мато Адровер (родена на 24 септември 1959 година во Мадрид) — шпанска политичарка. Од 2011 до 2014 година таа била министерка за здравство, социјални услуги и еднаквост на Шпанија во кабинетот на Рахој. На 26 ноември 2014 година таа поднела оставка поради вмешаност на неа и нејзиниот сопруг Хесус Сепулведа во случајот Гуртел.[1]
| Ана Мато | |
|---|---|
| |
| Министер за здравство на Шпанија | |
| На должноста 22 Декември 2011 – 26 Ноември 2014 | |
| Премиер | Маријано Рахој |
| Претходник | Леир Пајин |
| Наследник | Сораја Саенз де Сантамарија (в.д) |
| Лични податоци | |
| Роден(а) | 24 септември 1959 Мадрид, Шпанија |
| Партија | ПП |
| Роднини | Габриел Мато (брат) |
| Установа | Мадридскиот универзитет „Комплутенсе“ |
Образование
уреди- Дипломирала политички науки и социологија на Мадридскиот универзитет „Комплутенсе“.
- Предавач и учител на шпанскиот национален универзитет за учење на далечина (UNED)
Кариера
уредиКако член на Националниот извршен комитет на ПП, таа е вклучена во шпанската национална политика од 1990-тите, кога била избрана во шпанскиот конгрес.
Помеѓу 2004 и 2008 година работела како пратеник во Европскиот парламент. Како член на Бирото на Европската народна партија, таа била член на Комитетот за вработување и социјални прашања на Европскиот парламент. Таа била замена во Комисијата за регионален развој и член на Делегацијата во Мешовитиот парламентарен комитет ЕУ - Мексико.
- 1986-1990: Заменик директор на приватната канцеларија на претседателот на Кастиља и Леон
- 1991-1993: Независен член на Собранието на Мадрид
- Национален пратеник во Мадрид (1993-)
- 2000-2004: координатор за локално учество и акција
- 2000-2004: портпаролка за комуникации и медиуми (1983-1986), транспорт, инфраструктура и телекомуникации (1986-2000) и наука и технологија
- 2003-2004: координатор за планирање
Медали
уреди- Медал за заслуги за телекомуникации
Контроверзи
уредиВо 2014 година таа привлека критики за нејзиното справување со случаите на заболување од вирусот ебола во Шпанија по дијагнозата на првиот потврден случај на пренос на ебола надвор од Африка.[2]
Ана Мато била предмет на контроверзии во врска со нејзината наводна вмешаност во случајот Гуртел, но со години продолжила да ја добива поддршката од премиерот Маријано Рахој.[3] Таа тврди, со поддршка на нејзиниот поранешен сопруг, дека не била свесна за потеклото на подароците во нејзиното домаќинство, вклучувајќи автомобили и одмори, кои се идентификувани во истрагите за наводна корупција.[4] На 26 ноември 2014 година, Ана Мато поднела оставка од функцијата министер за здравство, социјални услуги и еднаквост, откако била повикана на суд како „учесник на профитабилна основа“ во наводните корупциски злосторства.[1] Таа се појавила на суд во февруари 2017 година.
Наводи
уреди- ↑ 1,0 1,1 „Dimite Ana Mato tras su implicación en el 'caso Gürtel' por el juez Ruz“. El País (шпански). 2014-11-26.
- ↑ The US vs. Spain – How each country has handled the Ebola crisis so far, El País (English edition)
- ↑ „Ana Mato must step down“. El País. Посетено на February 17, 2013.
- ↑ (на шпански) "La trama pagaba mensualmente a Sepúlveda y transfirió un coche a Mato" El Mundo. Retrieved 19 May 2013.