Алборз

За други значења на поимот, погл. Алборз (појаснување).

Алборз или „Елбурс“ (персиски: البرز) — планински венец во северен Иран што се протега од границите со Азербејџан и Ерменија на северозапад до јужниот крај на Каспиското Езеро, па завршува на запад кај границата со Туркменистан и Авганистан. Највисока планина во венецот е Демавенд (5.610 м), сместена во округот Амол во покраината Мазендеран.

Алборз
البرز
Поглед на Демавенд
Највисока точка
Врв	Демавенд
Надм. височина	5.610 м
Географија
Местоположба на Алборз во Иран
Земји	Иран
Координати	36°04′33″N 51°47′46″E

Венецот претставува препрека помеѓу Јужнокасписката и Казвинско-техеранската Висорамнина. Широк е само 60–130 км и се состои од седиментна низа со потекло од горен девон до олигоцен. Составен е претежно од јурски варовници врз гранитна основа. Повисоките краишта во екорегионот Елбруска лесостепа, се суви и без многу дрва. Северните падини припаѓаат на каспискиот херцински мешан шумски екорегион и се мошне богати со шуми и вегетација.

Според зороастриските преданија, на овие планини живее вечниот мудрец Пашутан, додека пак зороастриската секта Илмехашнум смета дека венецот е дом на т.н. „Господари на срцето“ (Сехеб е Дилан). Во минатото, ова име го давал на разни подалечни планини: така, имаме Елбрус на Кавказ и Елбариз (Џебал Барез) во подрачјето Керман над Ормускиот Проток.

По планината е наречена и покраината Алборз, сместена веднаш јужно од венецот.

Поради погодните услови, на Алборз има неколку скијачки центри што се вбројуваат меѓу најдобрите на светот. Поважни се Дизин, Шемшак, Точал и Дарбанд.

Поврзано

• Демавенд
• Аламут
• Иранска Висорамнина
• Алборз (покраина)
• Алборз (округ)
• Список на планини во Иран

Наводи

• North, S.J.R., Guide to Biblical Iran, Rome 1956, стр. 50

Надворешни врски

• Алборз на Ризницата ^?
• Алборз: слики од Иран — Livius
• Карти, слики и список на врвови