Ормуски Проток

Ормуски Проток (персиски: تَنگِه هُرمُز Tangeh-ye Hormoz, арапски: مَضيق هُرمُز Maḍīq Hurmuz) — проток помеѓу Оманскиот и Персискиот Залив. Ова е единствениот излез на Персискиот Залив на отворен океан и една од најважните геостратешки точки во светот. На северниот брег се наоѓа Иран, а на јужниот се сместени Обединетите Арапски Емирати и оманската ексклава Мусандам. Во најтесниот дел, протокот е широк 39 км (21 морска милја).

[[file:|350px|Ормуски П-к во рамките на ]]

Ормуски П-к

Ормускиот Проток и Персискиот Залив

Сателитска снимка на Ормускиот Проток

Низ протокот минува 20% од вкупното количество нафтата во светот и 35% од сите нафтоносни пловила. Поради ова, местото е од големо стратешко значење во меѓународната трговија, и причина за конфликт помеѓу силите, особено САД и Иран.

Протокот за првпат се споменува во поморскиот прирачник „Перипл на Еритрејското Море“ од I век.

Сообраќај

Поради големата прометност, во Ормускиот Проток се имаат случено повеќе судири на бродови. За да се намали ризикот од вакви катастрофи, протокот е подвоен на две ленти — една за дојдовен и една за појдовен сообраќај. Од нив, едната се наоѓа во омански води, а другата во ирански.

Според Управата за енергетско информирање на САД, во 2011 г. низ протокот поминувале просечно 14 танкери дневно, носејќи 17 милиони барели (2.700.000 м³) сирова нафта. Ова претставува 35% од количеството на нафта што се превезува по морски пат и 20% од целиот нафтен сообраќај во светот. Во извештајот се вели дека 85% од сировата нафта била испорачана во Азија, највеќе во Јапонија, Индија, Јужна Кореја и Кина.

Поврзано

• Ормуз
• Абу Муса
• Хормозган

Наводи

• Mohammed Kookherdi (1997) Kookherd, an Islamic civil at Mehran river, III изд: Dubai

Надворешни врски

• Ормуски Проток: политичка, економска, деловна, техничка и воена проблематика — Центар „Роберт Штраус“ (англиски)
• Портал посветен на Ормускиот Проток Архивирано на 7 август 2020 г. со стари карти (англиски)