Агрон

Агрон (250 п.н.е. - 231 п.н.е.) — илирски крал од 3 век п.н.е. Агрон го наследил престолот на Ардијанското Кралство од неговиот татко Плеурат II. Се истакнал како способен владетел, успевајќи да ги обедини илирските племиња и да го скрши отпорот на поедини племенски водачи. Како последица на ова, создал моќно кралство кое било најраспострането во тоа време. Со своите брзи и лесно подвижни галии- либурните, Илирите агресивно делувале по грчките колонии на Јадранското Море, така што ги зазеле островите Хвар и Крф и го блокирале островот Вис, поради што и почнале недоразбирањата со Римската држава. Всушност, Ардијанското Кралство на Агрон се простирало на најголемиот дел од историското подрачје Илирија.

Агрон
Крал Агрон
На престол	250–231 п.н.е.
Претходник	Плеуреат II
Наследник	Теута (де факто) како намесник на Пинеј (де јуре)
Починал(а)	231 п.н.е. Илирија
Придружник	Теута, Тритеута
Деца	Пинеј
Илирски	Агрон

Во 231 г.пр.н.е. македонскиот крал Деметриј II, побарал воена помош од Агрон во борбата со Етолците, заради нивното освојување на градот Медион. Агрон му притекнал на помош со 5000 војници и 1000 бродови. Во текот на ноќта, Илирите ненадејно ги нападнале Етолците и извојувале одлучувачка победа. Со себе понеле голем воен плен, а Агрон бил толку среќен поради победата, што поради прекумерното конзумирање на вино починал во 231 година п.н.е.

Агрон бил оженет двапати. Првата жена му се викала Тритеута со која го имал синот Пинес. Втората и многу попозната е Теута, која како маќеа на Пинес, станала негов регент и фактички таа владеела со Ардијанското Кралство во наредните години.

Поврзано

• Илирски владетели
• Теута