Џон Банкрофт (архитект)
Џон Банкрофт (28 октомври 1928 – 29 август 2011година) бил британски архитект познат по неговите бруталистички дизајни за Советот на Големиот Лондон (СГЛ).
| Џон Банкрофт | |
|---|---|
| Роден(а) | 28 октомври 1928 Нотингемшир |
| Починал(а) | 29 август 2011 Обединето Кралство |
| Националност | .svg){kind=small} Обединето Кралство |
| Ателје | Советот на Големиот Лондон |
| Зданија | Училиште Пимлико |
Тој се приклучил на одделот за архитекти на СГЛ во 1957 година и го водел проектот за изградба на училиштето Пимлико од 1964 до 1970 година.[1] Зградата била урната во 2010 година од страна на Градскиот совет на Вестминстер.
Банкрофт го објаснил дизајнот на училиштето во едно интервју во 2008 година: „Сакав учениците да се чувствуваат како дел од заедница... Затоа го поделив местото нагоре во форма на стаклен екран за да се добијат погледи од нивото на кое сте кон другите делови на училиштето. Исто така, сакав да се уверам дека можете одвреме-навреме да погледнете надвор за да знаете каде сте во големата околна заедница што е Пимлико и зградите што го опкружуваат“.[2]
Неговите други училишни дизајни биле женското училиште „Елфрида Ратбоун“ во Камден и Колеџот за обука на наставници Филипа Фосет во Стритам.
Банкрофт бил цврст бранител на непопуларните бруталистички обележја на СГЛ. Иако тој не го дизајнирал, [3] тој тврдел дека блокот на Каунти Хол, празен 20 години, требало да биде наведен како ран пример за архитектура на канцеларии со отворен план[4] и се изразил „прилично ужаснат“[5] со уривањето на училиштето Пимлико. Банкрофт посветил голем дел од својата кариера на конзервација на згради и бил активен член на Друштвото на дваесеттиот век, Викторијанското друштво и поддржувач на добротворната организација Докомомо.
Наводи
уреди- ↑ „Interview regarding demolition of Pimlico School“. Архивирано од изворникот на February 14, 2012. Посетено на February 23, 2009.
- ↑ „Filmed interview with John Bancroft for Utopia London documentary“. Архивирано од изворникот на 2016-11-10. Посетено на 2011-09-07.
- ↑ „Extended research interviews for Utopia London documentary“. Архивирано од изворникот на 2016-11-10. Посетено на 2011-09-07.
- ↑ Demolition work begins on eyesore (from BBC News) Архивирано на 1 јуни 2009 г.
- ↑ „Demolition of Pimlico School begins“. Архивирано од изворникот на March 21, 2008. Посетено на February 23, 2009.