„Ima nade“ (македонски: Има надеж) е песна од хрватската поп пејачка Јелена Розга од нејзиниот втор соло студиски албум Bižuterija (2011). Песната е издадена како шестиот сингл од албумот на 21 март 2010 година. Напишана е од парот Хуљиќ, односно музичарот и продуцент Тончи Хуљиќ и неговата сопруга, поетесата и текстописец Вјекослава Хуљиќ. Аранжманот е завршен од Реми Казиноти, а гостувачки артист е Жељко Самарџиќ. Со цел да ја промовира песната, дуото има снимено музичко видео на пристаниште. Тие исто така ја изведуваат во живо за време на фестивали, а песната има освоено и награда.
Според текстот, во песната се работи за надежта на протагонистите кои и покрај потешкотиите се надеваат на подобар тек во нивната врска. Поради популарноста, песната е дел од концертите и настапите во живо на пејачката на нејзините регионални пост-југословенски турнеи.
