24 (ТВ-серија)
24 — американска акциона/драмска телевизиска серија. Во Америка се прикажува на Fox, а е и адаптирана за прикажување низ светот, со првата епизода емитувана на 6 ноември 2001, со прво 13 епизоди (следните 11 епизоди биле подоцна порачани). 24 е втора по ред најдолго прикажувана шпионска серија во телевизиската историја, веднаш зад првобитната серија Невозможна мисија по број на епизоди и зад Одмаздниците по долговечност на прикажување.
| 24 | |
|---|---|
 Лого | |
| Жанр | акција, драма, трилер |
| Создадена од | Џоел Сарноу Роберт Кокран |
| Улоги | Кифер Сатерленд Карлос Бернард Ени Вершинг Мери Лин Рејскаб Џејмс Морисон Колм Фор Џефри Нордлинг Боб Гантон Џејнен Гарофало Рис Коиро Шери Џонс |
| Земја на потекло |  САД |
| Првичен јазик | Англиски |
| Бр. на сезони | 8 |
| Бр. на епизоди | 192 |
| Производство | |
| Местоположба | Лос Анџелес Вашингтон Њујорк |
| Времетраење | 42-45 минути |
| Прикажување | |
| Првична мрежа |  FOX  A1 |
| Првично прикажување | 6 ноември 2001 – 24 мај, 2010 |
| Надворешни врски | |
| Мрежна страница | fox.com/24/ |
24 се прикажува во таканаречената техника реално време, со тоа што секоја сезона прикжува дваесет и четири часовен период од животот на Џек Бауер, кој работи со американската влада за да ги отстрани фиктивните терористички закани на САД. Бауер е често на полето за Анти-терористичката единица на Лос Анџелес со чија помош се обидува да ја заштити нацијата од терористички закани. Серијата исто така ги следи и дејствата на други АТЕ агенти, државни службеници и терористи поврзани со синопсисот. Дејството во првите шест сезони на серијата се случува во Лос Анџелес и во вистински или измислени локации во или во близина или на Калифорнија, иако одвреме-навреме и други локации се прикажувани, најзабележително Вашингтон, каде дел од дејството во епизодите за време на четвртата и шестата сезона се случува. Наспроти традицијата, седмата сезона во основа е поставена во Вашингтон.[1] Дејството во осмата сезона ќе се случува во Њујорк.
Откако водечкиот глумец Кифер Сатерленд се здобива со Златен глобус за неговата улога во првите 10 епизоди, рејтинзите на серијата се зголемиле, водејќи да FOX ја нарача и втората половина од сезоната. По шест сезони, беше потврдено дека FOX порачале идни две сезони да се продуцираат.[2] Веќе е напишан и игран филм заснован на серијата, насловен 24, кој требал да почне да се снима во 2007 за да се прикаже во 2008, но плановите се одложиле за да се задржи интересот на серијата и за да може да се фокусира на нејзината дообработка.[3]
Седмата сезона, првично закажана да почне да се прикажува на 13 јануари 2008, била одложена поради штрајкот на сценаристите во 2007-08 за да се обезбеди непрекинта сезона, заштитен знак на серијата уште од почетокот на нејзината четврта сезона во јануари 2005.[4][5] Била официјално одложувана сè до јануари 2009.[6][7] За да се помогне да се израмни одложувањето предизвикано од штрајкот, 24 се вратила во недела, 23 ноември 2008 со долгометражен телевизиски филм, насловен 24: Откуп, чии настани се случуваат околу четири години по шестата сезона и ја поставуват приказната која ја започнува седмата сезона.[8][9][10]
Елементи
уредиРеално време
уреди
24 е серија која е прикажан во т.н. техника „реално време“, каде што секоја минута од емитувањето си одговара со минута од животите на ликовите[11]. Рекламните пораки исто така се сместени во серијата (на пример ако ликовите се возат некаде кога рекламите почнуваат, тие веќе стигнале таму кога рекламните пораки завршуваат). Ова овозможува шоуто да се прикажува во реално време без никаква пауза. Часовникот кој го прикажува вистинското време во серијата продолжува да отчукува и за време на прикажувањето на рекламните пораки, нагласувајќи ги реалните 24 часа од сезоната.
Времетраењето на една епизода од серијата без рекламни пораки изнесува околу 42-44 минути, ова е типично за едночасовна телевизиска серија со многу рекламни пораки. Ефектот на реално време работи само ако епизодата е прикажана со рекламни пораки и само ако времетраењето на истите се зголеми на точни точки во времето, што кај повеќето телевизиски станици не е случај.
Гледајќи ги епизодите по ред без рекламни пораки, на секоја сезона и се потребни приближно 17 часа да заврши. Реалното време е назначено од еден дигитален часовник кој се појававува пред и по емитувањето на рекламните пораки, и со впечатлив звук ги означува секундите. Ликовите често го споменуваат времето (на пример „за еден час“) за одредени случувања како терористички закани, на овој начин прецизно го означуваат времето на нападот/случувањето.
Анти-терористичка единица
уредиАнти Терористичка Единица (АТЕ) (англиски: Counter Terrorist Unit (CTU)) е измислена владина анти-терористичка агенција и е слична на ФБИ и ЦИА. Нивното главно седиште се наоѓа во Вашингтон. Главната мисија на АТЕ е да ги одбрани терористичките напади упатени кон САД. Со седиште во речиси секој поголем град во САД, АТЕ исто така има улога во создавањето на безбедноста и бркање на групите на организиран криминал (што го вклучува и тероризмот).
Седиштата на АТЕ се контролирани од директор, наречен Специјален главен агент, на кого Директорот за операции на поле и Шефот на управата му одговараат. Одделите на АТЕ вклучуваат Комуникација, Логистика, и Тактика. Персоналот на Комуникацијата и Логистиката директно одговараат на Шефот на управата, а персоналот на Одделот за тактика се поделени на тактички тимови од страна на Директорот за операции на поле.
Глумечка екипа
уредиГлавни Глумци
уреди
24 е позната по правењето големи промени на нејзините главни глумци за секоја сезона — единствен исклучок е Кифер Сатерленд, кој е единствен главен глумец кој глуми во сите седум сезони. Глен Моршли, кој го глуми Арон Пирс, е единствениот глумец покрај Сатерленд кој се појавува во сите седум сезони. Во неколку случаи, гостинските глумци биле унапредени во главни глумци за време на сезоната. На главните глумци кој се вратиле од претходните сезони за една епизода или мал дел од сезоната им се дава статусот „специјална гостинска ѕвезда". Овој статус е користен и за други познати филмски глумци кој глумат во серијата, како Денис Хопер, Поверс Бут, Син Астин и Џејмс Кромвел.
Поради напнатата природа на серијата, бројот на умирањата е голем, спореден со другите телевизиски драми. Од 28 ликови кои беа пријавени како главни улоги за минатите шест сезони, десет се убиени. Овој број ќе биде поголем ако ги вклучиме и умирањата на споредните и гостинските улоги.
* = Закажана улога за 8. сезона.
** = Бил унапреден од гостинска улога, во главна улога.
Споредни улоги и гости
уреди24 содржи голем број на споредни улоги и гости во секоја сезона. Подолу се некои од споредните улоги кои се појавија минативе шест сезони.
Синопсис
уредиПрва сезона
уредиПрвата сезона започнува и завршува во 00:00 часот, и дејството се одвива во Лос Анџелес, Калифорнија. Во оваа сезона се запознаваме со протагонистот на оваа серија, Џек Бауер. Тој е агент во Анти-Терористичката Единица (АТЕ), кој ќе мора да ја пронајде и спаси неговата ќерка Ким Бауер, која е киднапирана, и да го спаси сенаторот Дејвид Палмер, од истите луѓе кои му ја киднапираа ќерката, и кои сакаат да ги убијат Џек Бауер и Дејвид Палмер поради поранешна мисија која ја одобрил Дејвид Палмер, а ја извршил Џек Бауер.
Втора сезона
уредиВтората сезона се случува 18 месеци по првата, и почнува и завршува во р08:00 часот. Во оваа сезона Џек ќе мора да запре јадрена бомба од експлодирање, и потоа да му помогне на претседателот Дејвид Палмер, да го пронајде виновникот за бомбата. Во оваа сезона, Џек ќе мора да соработува со Нина Маерс, жената која во првата сезона го предаде Џек, и ја уби неговата жена, Тери Бауер.
Трета сезона
уредиТретата сезона е сместена 3 години по настаните од втората сезона, и почнива и завршува во 13:00 часот. Џек е зависник од хероин, и има нов партнер - Чејс Едмундс, кој има љубовна афера со неговата ќерка Ким Бауер. Во оваа сезона Џек и Чејс се во потрага по вирусот Кордила (моќен преносен вирус кој убива во рок од 24 часа).
Четврта сезона
уредиДејствијата од четвртата сезона се сместени 18 месеци по дејствијата во третата сезона. Во оваа сезона Џек и Анти-Терористичката Единица ќе мораат да се справи со повеќебројни терористички напади од страна на терористот Хабиб Марван. На почетокот Џек ќе мора да го спаси киднапираниот министер за одбрана Џејмс Хелер, потоа ќе мора да го запре топењето на јадрата на Атомските централи низ цел САД, И на крајот ќе мора да ја запре боевата глава лансирана од страна на Хабиб Марван, да го погоди Лос Анџелес.
Петта сезона
уредиПеттата сезона е сместена 18 месеци по четвртата сезона, и почнува и завршува во 6:00 часот. поранешниот претседател Дејвид Палмер ќе биде убиен, и Џек Бауер ќе биде обвинет за неговото убиство. Тој ќе се обиде да го пронајде убиецот, и да докаже дека е невин, но притоа ќе дознае дека Дејвид Палмер, дознал за некоја голема завера, и затоа е убиен. Како што денот тече, Џек открива дека руски сеператисти се во сопственост на 20 канистри на ортовен нервен гас. Џек И АТЕ тргнуваат во потрага по Терористите и гасот, а потоа дознаваат дека и претседателот Логан e помешан во терористичките напади кои се случуваат во оваа сезона.
Шеста сезона
уредиШестата сезона е сместена 20 месеци по петтата сезона, и почнува и завршува во 6:00 часот. Џек е пуштен откако бил затворен во кинески затвор 20 месеци. Терористите планираат да детонираат куфер со високо експлозивна направа во САД, и Џек мора да ги запре, подоцна, Џек е принуден да одбира помеѓу тие што му се мили, и националната сигурност кога кинезите се одлучуваат да направат некои работи кои би можеле да започнат војна помеѓу САД и Русија.
Наводи
уреди- ↑ „IGN: 24: The Dead Rise“. au.tv.ign.com. Посетено на 2008-04-23.
- ↑ „Fox orders more '24'“. Посетено на 2008-07-04.
- ↑ „24 Director Jon Cassar Takes a Time-out to Discuss Season Six and the 24 Movie“. iFMagazine. Архивирано од изворникот на 2008-06-14. Посетено на 2008-07-04.
- ↑ „FOX Postpones '24,' Sets 'American Idol' Premiere“. Архивирано од изворникот на 2008-06-19. Посетено на 2008-07-04.
- ↑ „'K-Ville,' '24' latest affected by strike – CNN.com“. Архивирано од изворникот на 2008-01-12. Посетено на 2009-06-26.
- ↑ Carter, Bill (2008-02-11). „After Strike, TV Shows Hurry Up and Wait“. New York Times. Посетено на 2008-02-12.
- ↑ „"Fox: '24' on shelf until next January" (CNN)“. Посетено на 2008-02-16.
- ↑ „'24' Prequel Coming This Fall“. TV Blogger. Архивирано од изворникот на 2011-07-28. Посетено на 2008-03-06.
- ↑ „Exclusive News: Producer Howard Gordon Explains This Fall's 2-hour 24 TV Movie“. iFMagazine. Архивирано од изворникот на 2008-03-16. Посетено на 2008-03-13.
- ↑ „Emmy and Golden Globe Winner 24 Gets a Jumpstart on the Clock with Special Two-hour Prequel Sunday, 23 ноември, on Fox“. The Futon Critic. Посетено на 2008-05-15.
- ↑ „TV.com Summary of 24“. Архивирано од изворникот на 2011-07-17. Посетено на 2009-06-27.