Шпанско камењарче
| Шпанско камењарче | |
|---|---|
| |
| Возрасен мажјак од источната раса (O. h. melanoleuca) | |
| Научна класификација | |
| Царство: | Животни |
| Колено: | Хордови |
| Класа: | Птици |
| Ред: | Врапчевидни |
| Семејство: | Муварчиња |
| Род: | Oenanthe |
| Вид: | Шпанско камењарче |
| Научен назив | |
| Oenanthe hispanica (Linnaeus, 1758) | |
Шпанското камењарче (науч. Oenanthe hispanica) е мала врапчевидна птица која порано беше сместена во семејството на дроздовите Turdidae, но сега е во семејството на муварчињата Muscicapidae. Оваа птица ја има во Македонија.
Опис
уредиШпанското камењарче е долго 13.5-15.5 см. Понекогаш се издвојуваат две раси - источна и западна - Oenanthe melanoleuca и Oenanthe hispanica.
Кај птицата е изразен половиот диморфизам. Мажјаците се повпечатливи. Тие имаат жолтопортокалов тил и грб, бело на челото и вратот, со изразена црна дебела и малку искривена линија преку окото, беложолтеникав стомак, црни крилја, црно-бела опашка. Клунот и нозете му се црнкави. Женката и младенчињата се во кафеави нијанси, главата и стомакот посветли, крилјата потемни. Задникот им е бел, а опашката со бела лента на коренот.
Западната раса O. h. hispanica имаат бело или речиси бело чело и круна, кремава мантија, а крилјата им се потемни. Долните делови се бели, со кремава нијанса. Грбот, горниот дел од опашката и поголемиот дел од долниот дел од опашката се бели.
Вон сезоната на парење мажјаците се слични на женките, со глава и мантија бледо кафеави, како и долните делови, вклучувајќи го и вратот, но кафеавото во интензитет варира.
Источната раса O. h. melanoleuca ја има во источниот дел на Средоземјето, а се сели зимно време во Судан.
Источната раса можеби е уште посветла летно време, но црната линија е појака, повпечатлива и може да се протега и на поголемиот дел од лицето и грлото. Оваа птица е редок скитник во северозападна Европа.
Наводи
уреди- ↑ BirdLife International (2012). „Oenanthe hispanica“. IUCN Red List. Version 2012.1. International Union for Conservation of Nature. Посетено на 16 July 2012.
Надворешни врски
уреди- Black-eared Wheatear videos, photos & sounds Архивирано на 14 септември 2013 г. on the Internet Bird Collection
- Возраст и пол (PDF; 3.8 MB) by Javier Blasco-Zumeta & Gerd-Michael Heinze Архивирано на 26 декември 2011 г.