Шпанска ренесансна архитектура
Шпанската ренесансна архитектура започнала со калемење на ренесансната врз готските облици во последните децении од XV век.
Стилот го рашириле локалните архитекти со преземање на јужноиталијанската архитектура, понекогаш од илустрирани ракописи и слики, и со мешање на готскиот стил и локалните идиосинкратии. Новиот стил бил наречен Платерескен стил, заради екстремно украсените фасади, кои постеќале на декоративните мотиви на комплексно деталните дела на кујунџиите, наречени „платероси“. Класичните редови и канделабриските мотиви (а канделиери) слободно се мешале во симетрични целини.
Со минувањето на децениите, готското влијание исчезнало и истражувањето на ортодоксниот класицизам достигнало своевиден врв. Иако под Платерескен стил се подразбираат речиси сите архитектонски дела од доцниот XV и првата половина од XVI век, некои архитекти стекнале повоздржани лични стилови, меѓу кои се Диего Силое и Родриго Гил де Онтањон. Примери за ова се фасадите на Универзитетот во Саламанка и Манастирот Сан Маркос во Леон. Од средината на XVI век, под водство на архитекти како Педро Мачука, Хуан Баутиста де Толедо и Хуан де Ерера шпанската архитектура се придржувала кон римскиот стил на уметност, понекогаш предосеќајќи го Маниризмот, како во случајот на Дворецот на Карл V во Гранада и дворецот Ескоријал, Мадрид.
Значајни градби
уреди- Ескоријал (Хуан Баутиста де Толедо и Хуан де Ерера)
- Универзитетот во Саламанка (непознат архитект)
- Нова Катедрала на Саламанка (Хуан де Алава и други)
- Дворец Монтереј во Саламанка (Родриго Гил де Онтањон)
- Колегијат „Надбискуп Фонеска“ во Саламанка (Диего де Силое, Хуан де Алава и Р. Г. де Онтањон)
- Манастир Сан Естебан во Саламанка, (Хуан де Алава и Р. Г. де Онтањон)
- Гузманесов дворец Леон (Р. Г. де Онтањон)
- Болница „Оспитал де ла Санта Крус“ во Толедо (енрике Егас и Алонсо де Коварубиас)
- Болница „Оспитал Тавера“, Толедо (Бартоломе Бустаманте)
- Болница „Оспитал Реал“ (Кралска болница), во Гранада (Енрике Егас)
- Дворец на Карл V во Гранада (Педро Манчука)
- Гранадска катедрала (Х. Г. де Онтањон, Енрике Егас и Диего де Силое)
- Катедрала на Хаен (Андрес де Ванделвира)
- Катедрала на Баеза (Андрес де Ванделвира)
- Градско собрание на Севиља (Диего де Риањо)
- Универзитет во Алкала де Енарес (Р. Г. де Онтањон и други)
- Пансион „Остал се лос Рејес Католикос“ во Сантјаго де Компостела (Енрике Егас)