Шпанска поезија

Шпанската поезија ги опфаќа поетските творби создадени во Шпанија.

Историски развој

Големата обнова

Врз урнатините на шпанскиот политички и духев престиж, во 1898 година се појавила славната генерација на Унамуно, Антонио и Мануел Мачадо, Хименес итн., кои им се спротивставиле на кастизмот и на расната чистота и се залагале за отворање и обнова на шпанската поезија. Оваа генерација констатирала дека „во внатрешноста на нашито духовен и морален живот нема ниту еден ток на жива вода, насекаде само мочуриште од устоена вода, ниту еден извор.“ Надоврзувајќи се на идеите на генерацијата од 1898 година, во 1920-тите се појавила новата генерација шпански поети, како: Лорка, Гиљен, Салинас, Диего, Алберти, Алтолагире итн., кои ја започнале големата обнова на шпанската поезија. За оваа генерација, Хуго Фридрих вели: „Делото на Мачадо, Хименес, Лорка, Алберти, Диего и другите е можеби најскапоценото богатство што го има современата европска лирика.“