Шен прстен

Во древниот Египет, шен прстен бил круг со линија што го допира, претставена во хиероглифи како стилизирана јамка на јаже. Самиот збор шен значи, на антички египетски, заокружување, додека прстенот шен претставува вечна заштита.

Птица со глава на овен ја претставува ба на Ра со шен прстени во неговата рака. (Музеј Лувр)

Во Гардинеровиот список на знаци, тој е знакот V9.

shen šn во хиероглифи

Употреба на шен прстен во иконографијата

Ком Омбо, стап на божицата Нехбет со шен прстен

Прстенот шен најчесто се гледа како го носи богот на соколот Хор, но го носела и божицата на мршојадците Нехбет. Се користел уште во Третата династија, каде што може да се види на релјефите од комплексот пирамиди на Џосер.

Симболот може да се зголеми за да содржи и други знаци. Во својата издолжена форма, шен прстенот станал картуш, кој го заштитува кралското име.

• Божицата Хекет („Жаба“), често седи на шен.
• За вечноста, стебленцето од папирус обично се наоѓа на врвот на прстенот шен. Видете го египетскиот бог Хух.
• Шен прстенот е често прикачен на разни видови стапови, стап на авторитет или моќ, симболизирајќи ја вечната власт на таа моќ.
• Божицата Изида и божицата Нехбет често се прикажани клекнати, со рацете потпрени на шен.
• Јастребот (Хор) и мршојадецот (божицата Мут) го имаат шен во канџите, со раширени крилја, над прикажаната сцена. „Хор со раширени крилја“, шен во канџите, е пример од Лувр на пекторален брош, веројатно за кралско семејство.

Надвор од Египет, археолошкиот локалитет Канчо Роано во јужна Шпанија, има жртвеник во облик на прстен.

Поврзано

• Картуш
• Хух (бог)

Литература

• Kemp, Barry (2007). Ancient Egypt. Anatomy of a Civilisation. Routledge, Oxford.