Шванова клетка

Шванови клетки или невролемоцити се главни глија клетки на периферниот нервен систем (ПНС). Глија клетките имаат функција во потпора на невроните, а во ПНС ги вклучуваат и сателитските глија клетки, клетките кои ги обвиткуваат мирисните нерви, цревните глија клетки и глија клетки кои се сместени на краевите на сетилните нерви, како Пачиниевите телца. Има два типа на Шванови клетки, миелинизирачки и немиелинизирачки. Миелинизирачките Шванови клетки ги обвиткуваат аксоните на моторните и сетилните неврони и ја формираат миелинската обвивка.

Структура на типичен неврон

Дендрит Сома Аксон Клеточно јадро Ранвиерово стеснување Аксонски завршеток Шванова клетка Миелинска обвивка

Функција

Швановите клетки имаат улога во многу важни биолошки аспекти на периферните нерви - спроведувањето на нервните импулси по должината на аксоните, развојот на нервите и нивната регенерација, нутритивна потпора за невроните, создавање на вонклеточната матрица, модулирањето на невромускулната синаптичка активност и прикажување на антигени на Т-клетките.