Википедија

Црно-белоглав стрвинар

Црно-белоглавиот стрвинар (Mniotilta varia) е вид на стрвинар од Новиот свет и е единствениот член на неговиот род, Mniotilta .[1] Се размножува во северна и источна Северна Америка и зимува во Флорида, Средна Америка и Западни Инди, односно островски регион во Карибите, се до Перу. Овој вид е многу редок скитник во западна Европа.[1]

Во споредба со другите стрвинари од Новиот свет, овој вид не е добро проучен.

Опис

уреди

Црно-белоглавиот стрвинар е 11 цм (4.3 in) до 13 цм (5.1 in) во должина со маса од 8 грама (0.28 oz) до 15 грама (0.53 oz).[2] Распонот на крилата се движи од 18-22 цм (7.1-8.7 in).[3]

 
Парк Колумбо - Чикаго

Црно-белоглавите стрвинари имаат црно-бела боја. И двата пола имаат црно-бели круни со бела веѓа, црни шари на белиот стомак, црни крилја со две бели ленти на нив, црна опашка, црно-бел обоен грб, шарени прекривки под опашката и сиво-црни нозе и стапалата. Мажјаците кои се размножуваат имаат црно-бело обоено грло и црни образи, додека женките имаат сиви образи и бело-кремави обоени грло и страни. Младите мажјаци се многу слични на возрасните женки по боја и шари, додека младите женки наликуваат на возрасни женки, но со помали шари.[4]

Овој вид е долг 12 цм (5 in) и тежи 11 грами (0.39 oz).[5] Летниот мажјак на овој вид е силно прошаран со црната и белата боја.[6] Секое крило е црно со две бели ленти на крилата. Женските и младешките перја се слични, но послабо обоени и помалку шарени од мажјаците.

Овој вид може да се помеша со блакпол стрвинарот (Setophaga striata). Блакпол стрвинарот е исто така црно-бел во летниот период, односно кога има летно перје на себе, но има силно обоено црно чело. Црно-белоглавиот стрвинар, исто така, може да се помеша поради неговото однесување со боровиот стрвинар (Setophaga pinus) и жолтогрлиот стрвинар (Setophaga dominica).

Таксономија

уреди

Лине го опишал црно-белоглавиот стрвинар (Mniotilta varia) во 1766 година.Harrison, Hal H. (1984). Wood warblers' world. New York: Simon and Schuster. стр. 205–211. ISBN 978-0671477981. OCLC 10430019.Harrison, Hal H. (1984). </ref> Оваа птица е вид на стрвинар од Новиот свет (фамилија Parulidae) и е единствениот член од нејзиниот род поради нејзините уникатни адаптации за потрага по храна.

Познато е дека се хибридизира со черкулниот стрвинар (Setophaga cerulea) и блекбурнискиот стрвинар (Setophaga fusca). Се смета дека црно-белиот стрвинар е тесно поврзан со родот Setophaga.

Етимологија

уреди

Името на овој род потекнува од старогрчкиот збор mnion, што значи „морска алга“ и tillo, „да кубе“. Vieillot погрешно го превел првиот збор, mnion како „мов“. Специфичната варија е од латинскиот збор varius, што значи „разновиден“.[7]

Живеалиште и распространетост

уреди

Црно-белоглавиот стрвинар е преселнички вид, се размножува во Северна Америка и презимува во Северна и Јужна Америка . Вообичаено се наоѓа во листопадни шуми за време на сезоната на размножување, но станува повеќе прилагодлива на различни живеалиштата кога не е сезона на размножување.

 
Црно-белоглав стрвинар

Живеалиште

уреди

Црно-белоглавиот стрвинар се наоѓа во различни живеалишта.

Претпочитаните типови на шуми вклучуваат листопадни и мешани шуми, а оваа птица понекогаш живее и во мочурлива шума.

За време на миграцијата, црно-белоглавиот стрвинар претпочита шуми повеќе од други типови на живеалишта и често се среќава во крајбрежните области.

Овој вид за време на неговото презимување, може да се најде во различни видови живеалишта, од мангрови до влажни, суви и облачни шуми. Забележано е и да презимува во насади со кафе и градини.[8]

Мажјаците се територијални и за нивните летни живеалишта и за нивните зимски живеалишта.[9][10]

Распространетост

уреди

Црно-белоглавиот стрвинар се размножува во северна и источна Северна Америка. Распространет е од северозападните територии на северозапад и Њуфаундленд и Лабрадор на североисток, до Северна Каролина на југоисток и Тексас на југозапад. Овој вид е миграциски, затоа презимува во Флорида, Средна Америка и северна Јужна Америка до Перу. IUCN го проценува степенот на распространетост на оваа птица да биде околу 11.500.000 км 2.

Овој вид се јавува како скитник во Исланд, Ирска, Ферските Острови и Обединетото Кралство.

Статус на зачувување

уреди

IUCN го класифицира црно-белоглавиот стрвинар во категорија на најмала загриженост за истребување поради неговата голема распространетост и бројот на популацијата. Сепак, неговата популација се намалува.[11] Губењето и деградацијата на живеалиштата, особено шумите, се главните фактори кои придонесуваат за опаѓање на бројката на видот. Ако губењето на живеалиштата продолжи, односно летните или зимските живеалишта, видот може да продолжи да се намалува во иднина.[12][13] Пестицидите како што се фенитротионот и фосфамидонот придонеле за опаѓање на бројката на видот во 1970-тите,[14] но има и други хемикалии како што се хлорираните јаглеводороди може да продолжат да имаат ефект.

Однесување

уреди

Вокализација

уреди
 

Црно-белоглавиот стрвинар пее со висок тон, неговата песна е опишана како песна со повторувашки звуци која се повторува најмалку 6 пати последователно. Има повик со крикот чип, како и повик сит-сит што понекогаш се пее во лет.

Диета

уреди

Оваа птица се храни со инсекти и пајаци и за разлика од другите стрвинари, бара храна како ореви, движејќи се нагоре и надолу по стеблата на дрвјата и покрај гранките.

Црно-белоглавиот стрвинар бара храна по стеблата на дрвата за да се храни со инсекти под површината на кората. Неговите кратки нозе и долгиот заден палец се прилагодени на овој метод на потрага по храна. Црно-белоглавиот стрвинар е специфичен меѓу останатите стрвинари поради времето поминато во потрага по стебла и внатрешни гранки. Оваа птица исто така собира инсекти. Неговата исхрана е составена од инсекти и други членконоги, вклучувајќи ларви, бубачки, мравки и пајаци.[15] За време на миграцијата и размножувањето, оваа птица јаде ларви.[16]

За време на миграцијата, црно-белоглавиот стрвинар понекогаш се придружува на мешани стада за да се нахрани.

Размножување

уреди

Се размножува во широколисни или мешани шуми,обично во повлажни области. Црно-белоглавите стрвинари се гнездат на земја, оставајќи 4-5 јајца во гнездо.

Црно-белоглавиот стрвинар е еден од првите стрвинари што пристигнува на пролетните места за размножување. Во најјужниот опсег на неговото живеалиште за време на сезоната на размножување, може да започне да се размножува кон средината на април. Мажјаците се територијални и ја бранат својата територија, и со пеење и со бркање на натпреварувачите. Кога женката пристигнува на територијата на мажјакот, тој обидува да се пари со нејзе. Мажјакот може да се покаже со мафтање на неговите крилја.

 
Црно-белоглавите стрвинари го посетуваат Централниот парк во Њујорк

Гнездото е во облик на чаша, често се наоѓа на земја меѓу корени или спроти дрво, или во пукнатините на стеблата на дрвјата. Видот претпочита да се гнезди во влажни области. Гнездото е изградено со тревни материјали, кори од дрва и суви лисја и е обложено со помек материјал како мов и влакна. Женката е одговорна за поголемиот дел од градењето на гнездото. Женката снесува 4-5 јајца, кои се светло кафени попрскани со потемно кафени точки. Женката почнува да инкубира откако ќе се сложи последното или претпоследното јајце. Инкубацијата трае од 10 до 12 дена, а ја врши исклучиво женката. За време на инкубацијата, женката понекогаш се храни од мажјакот.

За гнездата се грижат и двајцата родители. Младите летаат по 8 до 12 дена и остануваат околу гнездото додека ја подобруваат способноста за летање. За тоа време, родителите остануваат во близина.

Овој вид обично произведува едно потомство годишно.[17]

Гнездата на овие птици понекогаш се паразитираат од кафеавоглавата крава (Molothrus ater).

Галерија

уреди

Наводи

уреди
  1. ↑ 1,0 1,1 Curson, Jon; Quinn, David; Beadle, David (1994). New World Warblers. London: Christopher Helm. стр. 158–159. ISBN 978-0-7136-3932-2.
  2. ↑ Kricher, John C. (1995). „Black-and-white Warbler (Mniotilta varia)“. The Birds of North America Online (англиски). doi:10.2173/bna.158.
  3. ↑ „Black-and-white Warbler Identification, All About Birds, Cornell Lab of Ornithology“. www.allaboutbirds.org (англиски). Посетено на 2020-09-30.
  4. ↑ Dunn, Jon; Garrett, Kimball (1997). A field guide to warblers of North America. National Audubon Society, National Wildlife Federation, Roger Tory Peterson Institute. Boston: Houghton Mifflin Co. стр. 411–418. ISBN 978-0395783214. OCLC 36549138.
  5. ↑ Sibley, David Allen (2000). The Sibley Guide to Birds. New York: Alfred A. Knopf. стр. 446. ISBN 978-0-679-45122-8.
  6. ↑ Willems, Tomas; de Boer, Marijke N.; Saulino, James T. (September 2017). „Offshore surprises: new at-sea bird records for Suriname (2013–2015)“ (PDF). Revista Brasileira de Ornitologia. 25 (3): 202. doi:10.1007/BF03544397. Посетено на 3 November 2021.
  7. ↑ Jobling, James A. (2010). The Helm Dictionary of Scientific Bird Names. London, United Kingdom: Christopher Helm. стр. 257, 398. ISBN 978-1-4081-2501-4.
  8. ↑ Sherry, Thomas W.; Johnson, Matthew D.; Williams, Kelly A.; Kaban, Jordana D.; McAvoy, Caroline K.; Hallauer, Amanda M.; Rainey, Shannon; Xu, Sen (2016). „Dietary opportunism, resource partitioning, and consumption of coffee berry borers by five species of migratory wood warblers (Parulidae) wintering in Jamaican shade coffee plantations“. Journal of Field Ornithology (англиски). 87 (3): 273–292. doi:10.1111/jofo.12160. ISSN 1557-9263.
  9. ↑ Anderson, K.S.; Maxfield, H.K. (1967). „Warbler returns from southeastern Massachusetts“. Bird-Banding. 43 (3): 218–233. doi:10.2307/4511388. JSTOR 4511388.
  10. ↑ Skutch, A. F. (1971). A naturalist in Costa Rica. University of Florida Press.
  11. ↑ IUCN (2016). „Mniotilta varia: BirdLife International“. IUCN Red List of Threatened Species. doi:10.2305/iucn.uk.2016-3.rlts.t22721758a94729210.en.IUCN (2016).
  12. ↑ Galli, Anne E.; Leck, Charles F.; Forman, Richard T. T. (1976). „Avian Distribution Patterns in Forest Islands of Different Sizes in Central New Jersey“. The Auk. 93 (2): 356–364. JSTOR 4085050.
  13. ↑ Whitcomb, B. L.; Whitcomb, R. F.; Bystrak, D. (1977). „Long-term turnover and effects of selective logging on the avifauna of forest fragments“. Am. Birds. 31: 17–23.
  14. ↑ Pearce, P. A.; Peakall, D. B.; Erskine, A. J. (1976). „Impact on forest birds of the 1975 spruce budworm spray operation in New Brunswick“. Can. Wildl. Serv. Progress Note 62.
  15. ↑ Bent, A. C. (1953). „Life histories of North American wood warblers“. U.S. Natl. Mus. Bull. 203.
  16. ↑ Graber, J. W.; Graber, R. R. (1983). „Feeding rates of warblers in spring“. Condor. 85 (2): 139–150. doi:10.2307/1367247. JSTOR 1367247.
  17. ↑ Peck, George K.; James, Ross D. (1983). Breeding birds of Ontario : nidiology and distribution. Toronto: ROM. ISBN 978-0888542885. OCLC 10850118.

Надворешни врски

уреди
Преземено од „https://mk.wikipedia.org/w/index.php?title=Црно-белоглав_стрвинар&oldid=5243867“