Црква „Св. Никола“ - Брајчино

Свети Никола — главна селска црква во селото Брајчино, Општина Ресен, Македонија. Се наоѓа во западниот дел на селото. Во кругот на црквата се наоѓаат и селските гробишта.^[1]

Местоположба
Свети Никола

Поглед на црквата
македонска православна црква
Епархија	Преспанско-пелагониска
Архијерејско намесништво	Ресенско
Парохија	Подмочанско-љубојнска

Координати	40°54′11″N 21°09′12″E / 40.90306° СГШ; 21.15333° ИГД / 40.90306; 21.15333
Место	Брајчино
Општина	Ресен
Држава	Македонија
Општи податоци
Покровител	Свети Никола
Изградба	1871
Завршено	1872
Архитектонски опис
Архит. тип	трикорабна

Црквата била изградена во 1871/72 година и судејќи по сè, на место на постара црква.^[1]

Градба

Црквата „Св. Никола“ се наоѓа во северозападниот дел на самото село, до кој се стигнува по тесните асфалтирани улични, опкружени со камени ѕидови и стара селска архитектура на селото Брајчино.^[2] Црквата се наоѓа во кругот на селските гробишта и претставува трикорабна градба со полукружна апсида, врз која се поставени седум плитки и лачно засведени ниши. Крај јужната и западната фасада, прилепени се затворените тремови и помошните простории.^[2]

Црквата била изградена во 1871/72 година, што можеме да го дознаеме од натписот во нишата над влезот. Внатрешноста на црквата е надолжно поделена на три делови со два реда од по пет столбови. Нартексот на западниот дел од внатрешноста е одвоен со преграда и е подигнат со три скали повисоко од нивото на наосот. Над нартексот е направена галеријата на кат.^[2]

Фрескоживопис

Врз ѕидните површини на наосот и нартексот не се сочувало ѕидно сликарство.^[2]

Живопис постои само во апсидата и во жртвеникот. Во конхата од апсидата насликана е „Св. Богородица со Христос“ на горниот дел и фигурите на архијереите „Св. Јован Златоуст“, „Св. Василиј Велики“, „Св. Никола“, „Св. Атанасиј“, „Св. Григориј“ и „Св. Спиридон“ во долната зона.^[2]

Иконостас

Иконостасот е составен од три реда на икони, царски двери и врати на јужниот и северниот дел на преградата. Иконите од иконостасот се работени во 1875 и 1889 година. Според сликарските натписи, постарите икони се дела на Апостол Стеријев од селото Пласје, а оние од 1889 година на зографот Атанас Димитри од селото Негован, Леринско.^[2]

Галерија

Надворешност

Селските гробишта
Натписот за изградбата на црквата над влезот
Тремот на црквата
Влезната врата на црквата

Внатрешност

Иконостасот на црквата
Ктиторскиот стол на црквата
Крстот над иконостасот
Целосен поглед на црквата
Поглед на фреска на таванот

Поврзано

Наводи

↑ ^1,0 ^1,1 Јовановски, Владо (2005). Населбите во Преспа (PDF). Скопје: Ѓурѓа. стр. 60. ISBN 9789989920554. Посетено на 22 ноември 2016.
↑ ^2,0 ^2,1 ^2,2 ^2,3 ^2,4 ^2,5 Палигора, Ристо (декември 2011). „Студија за манастирски туризам на Баба Планина“ (PDF). Битола: Центар за развој на Пелагонискиот плански регион. Архивирано од изворникот (PDF) на 2013-12-28. Посетено на 22 ноември 2016.

Надворешни врски

Црква „Св. Никола“ - Брајчино на Ризницата ^?

[книга-1] 1,0 ^1,1 Јовановски, Владо (2005). Населбите во Преспа (PDF). Скопје: Ѓурѓа. стр. 60. ISBN 9789989920554. Посетено на 22 ноември 2016.

[студија-2] 2,0 ^2,1 ^2,2 ^2,3 ^2,4 ^2,5 Палигора, Ристо (декември 2011). „Студија за манастирски туризам на Баба Планина“ (PDF). Битола: Центар за развој на Пелагонискиот плански регион. Архивирано од изворникот (PDF) на 2013-12-28. Посетено на 22 ноември 2016.

[1]

[2]