Црква „Вознесение Христово“ - Полаки

Вознесение Христово (позната и како Свети Спас) — главна манастирска црква на Полачкиот манастир во кочанското село Полаки, Македонија.^[1]

Местоположба
Вознесение Христово Свети Спас

Воздушен поглед на црквата
македонска православна црква
Епархија	Брегалничка
Архијерејско намесништво	Кочанско

Координати	42°2′8″N 22°25′10″E / 42.03556° СГШ; 22.41944° ИГД / 42.03556; 22.41944
Место	Полаки
Општина	Кочани
Држава	Македонија
Општи податоци
Покровител	Вознесение Христово
Осветување	21 мај 1936
Живопис	2007
Архитектонски опис
Архит. тип	еднобродна

Местоположба

Црквата се наоѓа на патот за маалото Борово Брдо, високо над вливот на Лиса во Борова Река, каде се наоѓа и истоименото археолошко наоѓалиште.^[2]

Историја

Храмот бил подигнат во првите години од четвртата деценија на XX век со доброволни прилози на православните верници.^[2] Била изградена на темели од стара еднокорабна црква.^[3]

Според зачуваните податоци на иконостасот, осветувањето на храмот се извршила на 21 мај 1936 година за време на празникот Вознесение Христово. Бидејќи црквата била подигната за време на Кралството Југославија, истата била под српско влијание, поради што во иконостасот е вклучена и икона на Свети Сава во цел раст.^[2]

Во 2001 година била донесена одлука за обновување на црковниот храм.^[2]

Архитектура

Градбата претставува еднокорабна црква. При обновата во 2001 година, претходниот објект од 1936 бил зачуван и бил проширен на запад со новоизградена купола и доградба на полуотворена припрата на западната страна со една купола.^[2]

Фрескоживопис

Храмот добил фрески по одлуката на црковниот одбор во 2007 година. Фреските ги насликале Павлинка и Столе Илиеви од Кочани.^[2]

Икони и иконостас

При обновата на црквата добила дрвен иконостас со икони во два реда, царски двери и крст на средината. На новиот иконостас биле сместени и иконите од постарата градба. ^[2]

Камбанарија

Храмот добил ѕвоно уште при неговата изградба, кое истовремено се користело и како повик на жителите од околните маала во случај на одредена опасност или потреба за собирање на населението.^[2]

Галерија

Поглед на црквата
Воздушен поглед
Ниша над главниот влез
Ниша над главниот влез
Споредниот влез
Припратата
Sвоно во припратата
Куполата
Главниот влез
Апсидата
Камбанаријата

Поврзано

Наводи

↑ Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. ISBN 978-608-65143-2-7.
↑ ^2,0 ^2,1 ^2,2 ^2,3 ^2,4 ^2,5 ^2,6 ^2,7 Атанасова, Илинка (2014). „Полаки (за шопските краишта во кочанско)“. Посетено на 15 ноември 2024.
↑ „[[Брегалничка епархија]]“. bregalnickaeparhija.org.mk. Посетено на 2024-11-15. URL–wikilink conflict (help)

Надворешни врски

Црква „Вознесение Христово“ - Полаки на Ризницата ^?

[1] Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. ISBN 978-608-65143-2-7.

[книга-2] 2,0 ^2,1 ^2,2 ^2,3 ^2,4 ^2,5 ^2,6 ^2,7 Атанасова, Илинка (2014). „Полаки (за шопските краишта во кочанско)“. Посетено на 15 ноември 2024.

[3] „[[Брегалничка епархија]]“. bregalnickaeparhija.org.mk. Посетено на 2024-11-15. URL–wikilink conflict (help)

[1]

[2]

[3]