Црвеногушесто муварче
| Црвеногушесто муварче | |
|---|---|
| |
| Научна класификација | |
| Царство: | Животни |
| Колено: | Хордови |
| Класа: | Птици |
| Ред: | Врапчевидни |
| Семејство: | Муварчиња |
| Род: | Ficedula |
| Вид: | Црвеногушесто муварче |
| Научен назив | |
| Ficedula parva (Bechstein, 1792) | |
Црвеногушестото муварче (науч. Ficedula parva) е мала врапчевидна птица од семејството на муварчињата. Се размножува низ источна Европа и Средна Азија и е птица преселница, која зимува во јужна Азија. Ја има и во Македонија.
Азискиот вид Ficedula albicilla порано се сметал за подвид на црвеногушестото муварче, но неговиот црвен врат е опкружен со сиво и има поинаква песна.
Опис
уредиЦрвеногушестото муварче е долго 11-12 см, а мажјакот во сезоната на парење е претежно кафеав одозгора и бел одоздола, со сива глава и портокалов врат. Клунот му е црн и широк, со потенок врв што е типично за муварчињата, односно птиците кои ги ловат инсектите во лет. Основата на горниот дел од опашката е бела и често испрчена нагоре додека се перчат на некое прегледно место чекајќи го пленот. Мажјаците вон сезоната на парење, женките и младенчињата имаат кафеави глави и ја немаат портокаловата боја на грлото, но лесно се разликуваат од другите Ficedula муварчиња по големината (овие се помали) и по шарата на опашката која има црна обратно поставена Т буква, со бели рабови.
Поведение
уредиЖивотната средина на овие птици се отворените шуми, особено близу до вода. Градат отворено гнездо во дупките на дрвјата и несат 4-7 јајца. Најчесто се хранат со инсекти кои ги ловат во лет, но и на земја. Освен со инсектите, овие птици се хранат и со гасеници кои ги наоѓаат под кората на дабовите, како и со бобинки. Зимно време тие се тивки, освен типичниот за муварчињата чип-чип-чр-ррр повик. Во сезоната на парење песната е мелодично свиркање.
Истражувањата спроведени во Полска од 1973 до 2002 година покажало дека мажјаците се враќаат порано од преселба, со зголемувањето на температурите.[2]
Наводи
уреди- ↑ BirdLife International (2012). „Ficedula parva“. IUCN Red List. Version 2012.1. International Union for Conservation of Nature. Посетено на 16 July 2012.
- ↑ Cezary Mitrus, Tim H. Sparks & Piotr Tryjanowski (2005). „First evidence of phenological change in a transcontinental migrant overwintering in the Indian sub-continent: the Red-breasted Flycatcher Ficedula parva“ (PDF). Ornis Fennica. 82: 13–19. Архивирано (PDF) од изворникот 2007-07-19. Посетено на 2013-08-22.