Христо Чемков
Христо Чемков — македонски револуционер, учесник во македонското револуционерно движење и член на Македонската револуционерна организација.
| Христо Чемков | ||
| ||
| Роден | 1875 Штип, Македонија | |
|---|---|---|
| Починал | 24 мај 1898 Прилеп, Македонија | |
Животопис
уредиХристо Чемков е роден во 1875 година во Штип, тогаш во Отоманското Царство. Завршува педагошка школа во Ќустендил, каде што во 1893 година учествува во формирањето на Македонско младинско друштво. Учителствувал во Дедеагач, по што како професионален педагог е назначен за учител во централното училиште во Битола. Во 1895-1896 раководи со битолскиот револуционерен комитет на ВМОРО. По разврзувањето на Виничката афера од 1897 година бега во Софија. Заминува за Чепеларе со мисија да ја уништи базата на Бугарското тајно револуционерно братство и да ги привлече револуционерните комитети кон ВМОРО, но не успева.
Заедно со другарот Јордан Гавазов формираат чета и повторно влегуваат во Македонија. Во Прилеп Чемков и сопатниците се опколени во една куќа и за да не бидат заробени, се самоубиваат, откако претходно го убиваат полицискиот началник и неколку војници.[1][2]
Наводи
уреди- ↑ Кратка биография на Христо Чемков
- ↑ Николов, Борис Й. Вътрешна македоно-одринска революционна организация. Войводи и ръководители (1893-1934). Биографично-библиографски справочник, София, 2001, стр. 186.