Хаџи Халил-паша

Хаџи Халил-паша (турски: Hacı Halil Paşa) ― османлиски голем везир. Неговиот епитет Хаџи значи „аџија“.

Хаџи Халил Паша
Голем везир на Османлиската Империја
На должноста 21 август 1716 – 26 август 1717
Монарх	Ахмед III
Претходник	Силахдар Дамат Али-паша
Наследник	Нишанџи Мехмет-паша
Лични податоци
Починал(а)	1733 Крит, Критски Пашалак, Османлиска Империја
Националност	Османлија
Народност	Албанец
Воена служба
Битки/војни	Австриско-турска војна (1716–1718)

Рани години

Тој бил со албанско потекло, роден во Елбасан и се издигнал низ Бостанџискиот корпус. Во 1694 година, тој поднесол оставка и отишол во Багдад како подреден на управникот на Багдад. Во 1711 година бил унапреден во севкупна команда на Бостанџискиот корпус (Бостанџибаши) и во 1716 година на функцијата беглербег на Ерзурумскиот Пашалак. Сепак, тој не служел во Ерзурум поради избувнувањето на Австриско-турската војна од 1716–1818 година, и бил прекомандуван да служи во Белград.

Голем везир

За време на одлучувачката Битка кај Петроварадин на 5 август 1716 година, бил убиен големиот везир Силахдар Али-паша. По предлог на командантите, султанот го назначил Халил-паша за нов голем везир. Следната година тој водел кампања за помош на Белград, кој бил опколен од австриската војска. Меѓутоа, Ежен Савојски Австриски го поразил Халил-паша и го зазел Белград. По овој пораз тој бил разрешен од функцијата на 26 август 1717 година.

Подоцнежни години

Иако бил осуден на смрт, тој се сокрил во Константинопол. На 7 јуни 1720 година бил откриен, но со помош на неговите соборци бил помилуван. Во 1727 година, тој станал управник на Егрибозкиот Санџак во средна Грција, а следната година бил назначен за управник на Крит, каде што починал во 1733 година.

Поврзано

• Список на османлиски големи везири

Наводи

Политички функции
Претходник Силахдар Али-паша	Голем везир на Османлиската Империја 21 август 1716 – 26 август 1717	Наследник Нишанџи Мехмет-паша