Фригиски јазик

Фригиски јазик — дел од индоевропските јазици и бил зборуван на територијата на Мала Азија од населението наречено Фриги. Според античките извори, како Херодот, Фригите првично живееле во јужниот дел на Балканот, и биле познати под името Бриги. Тие мигрирале во Анадолија по распадот на Хетитската Империја, околу 1200 година п.н.е. Заради овие историски миграции, како и некои заеднички јазични карактеристики со грчкиот и другите палеобалкански јазици, како што е аугментот (глаголски префикс) за да се означи минато време, фригискиот јазикот е класифициран во групата на палеобалкански јазици, а не на анадолски јазици.

Фригиски јазик
Застапен во	Мала Азија
Народ	Фриги
Изумрен	После 5 век н.е.
Јазично семејство	Индоевропско фригиски јазик
Јазични кодови
ISO 639-2	ine
ISO 639-3	xpg

Фригискиот јазик е оставен од два дела и тоа едниот наречен Палео-фригиски и датира од 800 п.н.е. па се после неколку години кога се појавува т.н. Нео-фригиски јазик. Понатака, Палео-фригискиот јазик е поделен географски на говори од Мидас, Гордион, централен, Птерија, Витинија, Тианам Даскилеион, Бајиндир. Фригискиот јазик опстоил до 6 век н.е.

Класификација

Фригискиот јазик бил најмногу сличен со тракиски јазик, ерменски јазик и донекаде со грчки јазик. Во најголем број случаи, фригискиот јазик користел азбука слична со феникиската азбука. Поголем број на достапни документи и извори на фригиски јазик сѐ уште не се преведени, додека пак извори и документи напишани на азбука слична на грчката денес се преведени и идентификувани фригиски зборови.

Примери од јазикот

Карта која покажува каде се пронајдени фригиски натписи.

• anar, 'сопруг'
• attagos, 'коза';
• Bagaios, "Зевс"
• balaios, 'голем, брз'
• bedu 'вода'
• bekos 'леб'
• belte, 'мочуриште'
• brater, 'брат',
• daket, 'предизвикува'
• germe, 'топло'
• kakon, 'нарушен, болен'
• knoumane, 'гроб'
• mater, 'мајка'
• meka, 'голем'
• zamelon, 'роб'