Фојник (планински врв)

Фојник
Поглед на врвот Фојник од југ
Висина	&100000000000014210000001.421 м
Место	Македонија
Венец	Сува Гора
Прво освојување	непознато

Фојник — врв на крајната источна падина на Сува Гора, кој стрмно се издигнува веднаш над левиот западен брег на вештачкото езеро Козјак на реката Треска во областа Порече.

Неговата височина изнесува 1420 метри, а поради неговата местоположба од него се пружа прекрасен поглед на целото езеро Козјак и долината на Треска, како и планината Караџица и масивот Мокра. На самиот врв е изградена црквата „Св. Преображение“, за чија прослава уште одамнина се прави голем општонароден собир, кој е овековечен и со стари слики од теренските истражувања на Порече направени од полскиот етнолог и етнограф Јозеф Обрембски во 1932 година.

Врвот Фојник се издигнува помеѓу селата Брест на југ, Требовље на север, Косово на запад, од каде е можно и неговото искачување, со најдобар пристап за превоз од Самоков, каде се наоѓаат и неколку пештери и природни знаменитости.

Галерија

• 
  Поглед на Фојник од мостот на езерото Козјак кај Близанско
• 
  Поглед на источната падина на Фојник
• 
  Црквата Св. Преображение на Фојник
• 
  Глетка на селото Брест и Фојник во позадината
• 
  Глетка на Фојник од југ
• 
  Предавател на Фојник
• 
  Глетка на селото Брест и Фојник во позадината