Ферчо Поп-Ѓорѓиев
Ферчо Поп Ѓорѓиев ( 1916 во Ваташа — 16 јуни 1943 во Ваташа) — македонски партизан, учесник во Народноослободителната војска на Македонија. Едно од стреланите лица во Масакрот во Ваташа.[1]
| Ферчо Поп-Ѓорѓиев | ||
| ||
| Роден | 1916 година Ваташа | |
|---|---|---|
| Починал | 16 јуни 1943 година Моклиште, Ваташа. Стрелан од бугарскиот фашистички окупатор | |
| Националност | Македонец | |
| Роднини | брат Илија Коцевски - Јанко
сестра Грозда Коцевска | |
Животопис
уредиПо занимање бил берберски работник, неговиот дуќан бил свртилиште на ваташките младинци. Уште од рани години се вклучил во редовите на антифашистичкото движење и активно соработувал со организираните ваташки младинци. Неговата куќа била сигурно место за престој на голем број илегалци, а во текот на 1942 година во неа престојувале и група борци од велешкиот партизански одред „Димитар Влахов”. Неговата активност била особено голема во времето на подготовките за исфрлање на тиквешкиот партизански одред „Добри Даскалов”.[1]
Масакрот на ваташките деца
уреди
Во времето на јунската бугарска офанзива кога одредот бил разбиен на помали групи Ферчо активно помагал во прифаќањето и спроведувањето на групите во атарот на селото Ваташа. На 16 јуни Ферчо бил уапсен од бугарската полиција и стрелан заедно со останатите ваташки младинци во месноста Моклиште. Како еден од повозрасните врз него бугарските фашисти го истуриле сиот свој бес. Вилицата му била скршена, нозете под колената исечени, а целото тело било избодено со бајонети.[1]
- МЛАДИНЦИТЕ ОД ВАТАША
-
Дел од стреланите Ваташки младинци, во младешките денови -
Дел од ѕверски убиените Ваташки младинци -
Дел од стреланите Ваташки младинци, на игранка -
Бугарскиот терор извршен во Тиквешијата - опишан од Лазар Мојсов, објавен во весникот Нова Македонија бр.28 од 3 јануари, 1945 година (среда) -
12-те ваташки деца стрелани на 16 јуни 1943 година.
Поврзано
уредиНаводи
уреди- ↑ 1,0 1,1 1,2 Камчевски, Петре (2012). Ваташа. Кавадарци: Музеј-Галерија Кавадарци. стр. 431–432. ISBN 978-608-4621-04-1.