Тумба II (Кравари)

Тумба II — археолошко наоѓалиште во битолското село Кравари. Претставува населба од неолитско време . Во археолошка карта под називот „Тумба“ е заведена неолитска населба која според авторите е сместена североисточно од селото Кравари. Во текот на рекогносцирањата во 2014 година се пронашло наоѓалиште со истото име, меѓутоа на 3 km северно од селото. И на него е присутно големо количество неолитски материјал, така што сè уште е нејасно дали станува збор за истото наоѓалиште. Бидејќи североисточно од селото не е пронајдено друго наоѓалиште, најверојатно се работи за истата тумба. Таа е делумно спуштена со орањето, а пресечена е на две половини со каналот за наводнување кој минува низ нејзината средина. Од тие причини, не можеше целосно да се измери нејзината зафатнина, така што измерената површина од едната половина апроксимативно се удвоило за да се добие приближната големина на тумбата. Карактеристично е тоа што на неа е присутно големо количество лепеж, што е ретка појава кај другите тумби..

Поврзано

• Старо Село — населба од неолитско, бакарно и бронзено време;
• Тумба — населба од неолитско време;
• Жеждево — населба од доцноантичко време;
• Црна Земја — населба од доцноантичко време;
• Тумба II — населба од неолитско време;
• Мулојца — населба од неолитско време;
• Рамно — населба од неолитско време;
• Кравари;
• Список на археолошки наоѓалишта во Битолско;