Тиричмир

Тиричмир (урду: ترچ میر) е највисоката планина во венецот Хиндукуш и највисока сво светот вон масивот Хималаи-Каракорум. Се наоѓа во покраината Хајбер Пахтунхва, Пакистан, недалеку од границата со Авганистан. Планината е првпат искачена од норвешка експедиција во состав А. Нес, П. Квернберг, Х. Берг и Т. Стрејтер. Планината се издига над градот Читрал, но се гледа и од Авганистан.

Тиричмир
Тирих Мир, највисоката планина од опсегот на Хиндукус (7,708 м). 2012 година
Највисока точка
Надм. вис.	7.708 м  33-та во светот
Истакнатост	3.098 м  30-та во светот
Заведена како	ултра
Географија
Тиричмир на карта
Место	Пакистан
Матичен венец	Хиндукуш
Искачување
Прво освојување	1950
Најлесен пат	ледници/снег/мраз

Највисокото населено место по планината е Тирич во долината Мулхау, чие население говори ховарски јазик. Селаните работат како туристички водачи и носачи, но не одат до врвот на планината.

Име

Постојат две претпоставки за потеклото на името „Тиричмир“. Според едната, ова значи „кралот на Тирич“, со тоа што Тирич е странична долина што се издава од долината Мулхау. Друга претпоставка дека е името да потекнува од ваханските зборови „тирич“ (сенка, темнина) и „мир“ (крал), т.е. „крал на темнината“, што може да се однесува на долгите сенки што ги фрла планината од страната на Вахан.

Поврзано

• Ношак
• Хајбер Пахтунхва
• Список на највисоки планини

Надворешни врски

• Тиричмир - SummitPost (англиски)