Српска напредна странка во Македонија
Српска напредна странка во Македонија (СНСМ; српски: Српска напредна странка у Македонији) — политичка партија која е регистрирана и делува во рамките на политичките процеси во Република Македонија.
Српска напредна странка во Македонија | |
|---|---|
 | |
| Водач | Драгиша Милетиќ |
| Основана | 2009 |
| Штаб | Скопје |
| Идеологија | десен центар |
| Бои | сина, бела, црвена |
| Политика на Република Македонија Политички партии Избори | |
Целна ориентација
уредиЦелите на партијата се заштита и унапредување на политичките, културните, социјалните и економски права на Србите во Република Македонија со легитимно делување во тековниот, со Уставот и соодветните закони и други легални акти, одреден политички амбиент.
Политички настап
уредиКонтинуитетот на Српската напредна странка во Македонија се следи од 15-08-2009 година до денес. На локалните избори во 2009 година партијата се здобива со места во локалната самоуправа во Кумановско, каде партијата овозможи и српскиот јазик да биде во официјална употреба во 2010 и Скопска Црна Гора[1], додека на вонредните парламентарни избори во 2011 година, нејзиниот тогашен претседател Драгиша Милетиќ добива пратенички мандат во коалиција предводена од СДСМ.[2]
Партиски конгрес 2014 година
уредиНа првиот конгрес на СНСМ во Куманово, одржан на 9. Март 2014, во присуство на овластени делегати, за претседател на СНСМ е избран Ване Величковиќ и е легитимирана новата партиска хиерархија - за заменик-претседател е избран Ќира Пирковиќ и за генерален секретар Игор Димитријевиќ. Драгиша Милетиќ не го признава кумановскиот конгрес и на собир на месниот одбор во с. Бањани присутните приврзаници го реизбираат за претседател.[3]
Наводи
уреди- ↑ „И српскиот јазик во службена употреба“. Архивирано од изворникот на 2011-07-27. Посетено на 2014-04-19.
- ↑ Биографија на Драгиша Милетиќ од мрежното место на Собранието на РМ пред самораспуштањето 2014
- ↑ ПРЕВИРАЊАТА ВО СНС - ВЕЛИЧКОВИЌ ГО ИМА ЧЛЕНСТВОТО, МИЛЕТИЌ ПЕЧАТОТ? Телма тв, 10.03.2014