Список на национални паркови во Азербејџан
Национални паркови во Азербејџан — заштитени подрачја во надлежност на Министерството за екологија и природни ресурси. Првиот национален парк во земјата е Зангезур, основан во 2003 г. Оттогаш се создадени уште 8 паркови.
Националните паркови се определени како јавни земјишта или водни површини од особено еколошко, историско и др. значење, кои уживаат заштита од државната управа. Имаат улога да ја запазат природата во сета своја разновидност, но и да служат за образовни цели, научни и културни истражувања.
Список
уредиКако земја на Кавказот, сместена меѓу Црното и Каспиското Море, Азербејџан изобилува со разновиден растителен и животински свет, со најголема биоразновидност во Европа и огромни природни ресурси. Особена улога во зачувувањето на оваа разновидност имаат националните паркови. Следи список на националните паркови по годината на основање и со податок за нивната површина.
| Национален парк | Создаден | Површина (ха) | На карта |
|---|---|---|---|
| Зангезур | 16 јуни 2003 (проширен на 23 ноември 2009) |
42.797 |   |
| Агѓол | 5 јули 2003 | 17.924 | |
| Ширван | 5 јули 2003 | 54.373,5 | |
| Хиркан | 9 февруари 2004 (проширен на 23 април 2008) |
42.797 | |
| Алтиагач | 31 август 2004 | 11.035 | |
| Абшерон | 8 февруари 2005 | 783 | |
| Шахдаг | 8 декември 2006 (проширен на 5 јули 2010) |
115.900 | |
| Ѓојѓол | 1 април 2008 | 12.755 | |
| Самур-Јалама | 5 ноември 2012 | 11.772 | |
Вкупната површина на сите национални паркови изнесува 310.136,5 ха или 3,58% од државната територија.
Поврзано
уредиНадворешни врски
уреди- Национални паркови — Министерство за екологија и природни ресурси на Азербејџан (англиски)