Распределба на доходот: Разлика помеѓу преработките

'''Распределба на доходот''' — економски поим којшто покажува како вкупниот [[доход]] на земјата ([[БДП]]) е распределен меѓу поединците.<ref>{{citeНаведена bookкнига|title=Economics: Principles in Action|last=O'Sullivan|first=Arthur|last2=Sheffrin|first2=Steven M.|publisher=Pearson Prentice Hall|year=2003|isbn=978-0-13-063085-8|location=Upper Saddle River, New Jersey|page=348|pages=}}</ref>

Распределбата на доходот во рамките на една земја се мери со помош на [[Лоренцова крива|Лоренцовата крива]] која на хоризонталната оска ги прикажува кумулативните проценти на примателите на доходот, подредени од оние со најнизок до оние со највисок доход, а нивните кумулативни проценти на доходот се прикажани на веритакалната оска. Ако сите луѓе примаат еднаков доход, Лоренцовата крива ќе биде претставена како права, дијагонална линија (линија под агол од 45 степени) и таа означува совршена еднаквост во распределбата на доходот. Коефициентот на нееднаквоста се мери така што површината меѓу Лоренцовата крива и дијагоналната линија ќе се подели со површината под дијагоналната линија. Максималната вредност на оваа површина изнесува еден (состојба на максимална нееднаквост во која еден човек го зема целиот доход, а сите други луѓе не остваруваат никаков доход), а минималната вредност е еднаква на нула (сите луѓе заработуваат еднаков доход).<ref>George J. Stigler, ''The Theory of Price'', third edition. New York: The Macmillan Company, 1966, стр. 293-294.</ref> Математички, Лоренцовата крива е претставена со помош на функцијата qi = f(pi), каде: pi е кумулативниот процент на луѓето кои остваруваат доход помал од mi, а кумулативниот доход на тие луѓе е еднаков на qi. Тогаш, површината под Лоренцовата крива е днаква на: 1/2 Σ(qi + qi-1)ri, каде ri е процентот на луѓето кои се наоѓаат во доходната класа i. Ако претпоставиме правоаголна распределба на доходот, површината под Лоренцовата крива е еднаква на {{Дропка|b+2a|3(b+a)}}, а коефициентот на нееднаквоста е еднаков на {{Дропка|b-a|3(b+a)}}.<ref>George J. Stigler, ''The Theory of Price'', third edition. New York: The Macmillan Company, 1966, стр. 347-348.</ref>

Исто така, една од најчестите мерки на нееднаквоста во распределбата на доходот е [[Коефициентот ЏИНИ|коефициентот ЏИНИ]] (''GINI''). Според дефиницијата на [[Светската банка]], индексот ЏИНИ е мерка за доходната нееднаквост која покажува во колкав степен распределбата на доходот или потрошувачката помеѓу поединците или домаќинствата во земјата отстапува од еднаквата распределба. Вредностите на овој индекс се движат во интервалот од 0 до 100, при што нулата ја претставува совршената еднаквост, додека вредноста од 100 ја претставува совршената нееднаквост, кога целиот доход во општеството е концентриран кај еден поединец или едно домаќинство.<ref name="ReferenceA">Сузана Макрешанска Младеновска, Горан Петревски, Ѓорѓи Гоцков, Владимир Филиповски, Елена Наумовска, Кирил Јовановски (2019). ''Економско-финансиски ефекти на локалните финансии: Компаративна анализа на Македонија и земјите од Југоисточна Европа''. Скопје: Универзитет „Св. Кирил и Методиј“ во Скопје, Економски факултет.</ref>