Голем Град (Коњско): Разлика помеѓу преработките

'''Голем Град''' — [[археолошко наоѓалиште]] на островот [[Голем Град]] во [[Преспанско Езеро|Преспанското Езеро]]. Претставува [[населба]] од [[неолит|неолитско]], [[хеленистичко време|хеленистичко]] и [[римско време]], [[црква]] и [[некропола]] од [[римско време]] и [[средниот век]]. Се наоѓа во југозападниот дел на [[Преспанско Езеро]], на граничната тромеѓа со [[Грција]] и [[Албанија]]. Има површина од 18 хектара и претставува природна тврдина со висина од 30 метри над нивото на езерската вода. Уште во [[1898]] година П. Н. Миљуков го посетил островот и ги регистрирал фреските во црквите [[Црква „Св. Петар“ - Голем Град|„Св. Петар“]] и [[Црква „Св. Димитрија“ - Голем Град|„Св. Димитрија“]], денес урната. Ископувања се изведени во [[1967]]/[[1968|68]] година, потоа од [[1980]] до [[1990]] година, при што се откриени неолитски артефакти, темели од станбени објекти од хеленистичкото и римското време, основи од две старохристијански еднокорабни цркви, една црква од средниот век (Св. Димитрија), една цистерна од римското време и 102 гроба од римскиот и средновековниот период (II до XIV век) без прекин. Ѕидовите на црквите биле прекриени со фрески, а подовите спорадично со мозаици. Накитот од гробовите е изработуван од бронза, сребро, јантар, стаклена паста и злато. Наодите се чуваат во [[Музејската збирка во Ресен]].<ref>[[Димче Коцо|Коцо, Димче]] (1996). ''Археолошка карта на Република Македонија''. Скопје: МАНУ. ISBN 9789989101069</ref>