Раседнодолинска треска

Раседнодолинска треска (наречена и „треска од долината Рифт“ или RVF) — вирусно заболување коешто може да предизвика умерени до силно изразени симптоми. Во умерените симптоми спаѓаат: треска, болки во мускулите и главоболки коишто честопати траат и до цела недела. Во силно изразените симптоми спаѓаат: губење на способноста за вид три недели по заразувањето, инфекции на мозокот коишто предизвикуваат јаки главоболки и конфузност, а може да има крварење и проблеми со црниот дроб кои може да се појават во првите неколку дена. Кај тие што имаат крварење, веројатноста за смртност е до 50%.[1]

Раседнодолинска треска
Микрографија на ткиво инфицирано со вирус на раседнодолинска треска
СпецијалностЗаразна болест, Ветерина Уреди на Википодатоците

Причина уреди

Болеста е предизвикана од RVF вирус, којшто е тип на Phlebovirus . Се пренесува или со допирање на инфицирана крв на животно, вдишување на воздух околу инфицирано животно што било заклано, со пиење на сирово млеко од инфицирано животно или од каснување од инфициран комарец комарци. Животни како што се крави, овци, кози и камили може да бидат заразени. Кај овие животни најчесто се шири преку комарци. Не се случува човек да инфицира друг човек. Се дијагностицира со откривање на антитела против вирусот или со самиот вирус во крвта.[1]

Заштита и лекување уреди

Заштитата за луѓето е преку вакцинирање на животните против оваа болест. Ова мора да се стори пред да се појави болеста, бидејќи ако се стори кога веќе се појавила болеста, само може да ја влоши состојбата. Може да биде од корист и ако се спречи движење на животните ако веќе дошло до појава на болеста. И намалувањето на бројот на комарци и бројот на каснувања од комарци може да користи исто така. Постои и вакцина за луѓе; но, од 2010 не е достапна насекаде. Не постои специфично лекување за веќе инфицираните.[1]

Епидемиологија и историја уреди

Избувнување на болеста се случило само во Африка и Арабија. Избувнување на епидемија вообичаено се случува во периоди на обилни врнежи кога се зголемува бројот на комарците.[1] Болеста за првпат е евидентирана кај стоката во Големата Раседна Долина во Кенија во раните 1900-ти,[2] а вирусот бил изолиран за првпат во 1931.[1]

Наводи уреди

  1. 1,0 1,1 1,2 1,3 1,4 „Rift Valley fever“. Fact sheet N°207. World Health Organization. May 2010. Посетено на 21 March 2014.
  2. Palmer, S. R. (2011). Oxford textbook of zoonoses : biology, clinical practice, and public health control (2. изд.). Oxford u.a.: Oxford Univ. Press. стр. 423. ISBN 9780198570028.

Надворешни врски уреди