Портал:Спорт/Избрана статија/2008/август

Летни олимписки игри 2008 — меѓународен спортски настан кој се одржал од 8-24 авуст 2008 година во Пекинг, Кина. Некои настани се одржале одржат надвор од Пекинг, меѓу кои биле фудбалските натпревари (во Квинхуангдао, Шангај, Шенјанг и Тјаижин), јавачките натпревари (во Хонгконг) и натпреварите во едрење (во Квингдао). Ова бил трет пат Олимписките игри да се одржат под јурисдикција на два различни олимписки комитета (Хонгконг и Кина се натпреварувале одделно).

Организацијата на Олимписките игри му била доделена на Пекинг по гласањето на Меѓународниот олимписки комитет на 13 јули 2001 година. Официјалното лого на игрите, со наслов „Разиграниот Пекинг“, прикажувал стилизиран кинески калиграфски симбол „жинг“ (京, со значење главен град), што претставува навод на градот домаќин. Маскотите на игрите биле пет „Фува“ (кинески:福娃, Fúwá); буквален превод „кукли за добра среќа“), од кои секоја е обоена во една од боите на олимписките кругови. Олимпискиот слоган „еден свет, еден сон“ го повикувал светот да се обедини во олимпискиот дух. Спортистите се натпреварувале во 302 дисциплини во 28 спортови, што било за само еден натпревар повеќе од распоредот на претходните игри. Најуспешна земја била Кина со освоени 48 златни од вкупно 100 медали. Прочитајте повеќе