Паситеја

Паситеја во старогрчката митологија е една од харитите (грациите). Харитите вообичаено се сметаат за ќерки на Зевс и Евринома, но според поетот Нон, нејзини родители се Хера и Дионис. Таа била мажена за Хипнос, богот на сонот.

Трите грации, од Антонио Канова (Ермитаж, Санкт Петербург)

Семејство

Нејзини сестри се Аглаја („убавината“), Ефросина („радоста“) и Талија („задоволството“). Во римската митологија тие се познати како Грации.

Во четиринаесеттото пеење на Илијадата од Хомер, Хера ѝ ветува на Паситеја дека ќе ја омажи за Хипнос ако ѝ направи една услуга.

Иако грациите (харитите) обично се три, кај Спартанците, не Талија, туку Клета е третата, а се спомнуваат и други: Евклеја, Евтенија, Ефема, Филофросина, Ауксо, Харита, Хегемона, Фена.

Паситеја е име и на една од Нереидите.

Поврзано

• Паситеја — месечина на Јупитер наречена по оваа харита

Надворешни врски

• Паситеја на проектот „Теој“