Никој и ништо во Париз и Лондон

„Никој и ништо во Париз и Лондон“ (англиски: Down and Out in Paris and London) е роман на англискиот писател Џорџ Орвел. Романот е всушност мемоар[2] кој е издаден во 1933 година и е составен од два дела обработувајќи ја темата сиромаштија во овие два европски града. Целната публика на романот била средната и богатата класа во државите - оние кои најчесто биле добро образовани во тој период. Првиот дел обработува тема на екстремна сиромаштија во францускиот главен град и искуствата на протагонистот при работа во хотел. Вториот дел е еден вид дневник/ запис за талкањата во сиромашен Лондон, прерскажан од поглед на еден бездомник (истиот протагонист кој е и во Париз).

„Никој и ништо во Париз и Лондон“
Down and Out in Paris and London
АвторЏорџ Орвел
ЗемјаВелика Британија
Јазиканглиски
Жанрмемоар[1]
ИздавачВиктор Голанц (Лондон)
Издадена
9 јануари 1933
Медиумпечатено
Страници230
ISBN015626224X
OCLC6082214
СледнаБурмански денови 

ФактографијаУреди

Една од дебатите околу романот е дали станува збор за парче реална автобиографија или фантастика. Орвел напишал во Воведот во француското издание од 1935 година: „Мислам дека можам да кажам дека не претерав ништо, освен во она што сите писатели претеруваат при избирањето. Не чувствував дека морав да ги опишам настаните во точниот редослед по кој тие се случиле, но сè што опишав се случило во едно или друго време“. Во Поглавјето XXIV, „јасно е дека Орвел ги искривувал фактите тврдејќи дека при враќањето од Париз се нашол во безизлезна состојба во Лондон и немал „најмала идеја за тоа како да се најде ефтин кревет“. Ова секако ја зголемува напнатоста [...] но вистината е дека во Париз тој веќе го напиша лсвојот прв есеј „Клинец“, опишувајќи ја ноќта помината во хостелот за скитници во Нотинг Хил. Пред неговото заминување од Англија тој доброволно живеел меѓу скитници некое време“.[3]

РеакцииУреди

Еден месец по објавувањето на книгата, Хамберт Посенти, „сопственик на ресторан и хотелиер со четириесет години искуство“, испратил допис до „Тајмс“ жалејќи се дека книгата е неправедно омаловажувачка за угостителската индустрија.[4] Литературниот додаток на Тајмс претходно дал преглед на книгата, опишувајќи ја како „живописна слика за очигледно луд свет“. [5] Орвел одговорил на критиките на ресторанот со писмо до истиот весник: „Јас знам дека во нашиот хотел имало места кои на ниеден клиент не смеело да им биде дозволено да ги види со каква било надеж дека ќе го задржи својот обичај.“[6]

ПоврзаноУреди

НаводиУреди

  1. Penguin Classics 2001, back page description
  2. Back cover description, Down and Out in Paris and London, Penguin Classics, 2001 ISBN 978-0141184388
  3. Introduction, Penguin Classics 2001 edition, pp. xiii–xiv
  4. Possenti, Humbert. "Hotel Kitchens." The Times, 31 January 1933: 6.
  5. Google Books Scott Lucas, Orwell (2003) Haus Publishing, ISBN 1904341330, 978-1904341338
  6. Orwell, George. "Hotel Kitchens." The Times, 11 February 1933: 6.

Надворешни врскиУреди