Маркова Нога
Маркова Нога — месност близу селото Долно Дупени, која претставува најјужна точка во Република Македонија.
Граничен премин
уреди
Граничниот премин „Маркова Нога-Герман“ бил отворен до 1960-тите години, кога Грција одлучила целосно да го затвори. Долго време се правеле обиди од страна на македонските власти за негово повторно одбивање, но се наидувало на грчко одбивање.
Уште во 2006 година, Владата била целосно подготвена и технички и политички овој граничен премин да биде отворен.[1]
Последните обиди за повторно отворање на овој граничен премин дошло на средбата на министрите за надворешни работи на Македонија и Грција, Никола Попоски и Никос Коѕијас, соодветно.[2]
Како резултат на потпишувањето на Преспанскиот договор и решавањето на спорот за името, се создала поголема можност за отворање на овој граничен премин, а во март 2019 година била потпишана спогодба за негово ставање во функција.[3]
Природна реткост
уреди
Во месноста „Маркова Нога“ се наоѓа камен („чудо на природата“), за кој се верува дека ја чува трагата од еднометарското стапало на Крале Марко.[4]
Според легендата на мештаните, пред многу години кога Крале Марко се шетал по крајбрежјето на Големото Преспанско Езеро, тој посакал да го види и Малото Преспанско Езеро (денес во соседна Грција) поради што се поткачил на еден камен — оставајќи трага на каменот.[4]
Каменот со трагата од Марковата нога се наоѓа во дворот на караулата која го носи неговото име. Надлежните во касарната велат дека сите граѓани што сакаат да го видат каменот може да дојдат, но претходно да се најават.[4]
Плажа
уредиВо непосредна близина на затворениот граничен премин, покрај самиот брег на езерото, се наоѓа новоотворената плажа „Дупени бич“, која се протега до самата гранична линија со соседна Грција.[5]
Наводи
уреди- ↑ Богоева, Катерина (13 ноември 2006). „Владата подготвена да го отвори преминот Маркова Нога во Преспа“. Утрински весник. Скопје: МПМ Македонија. Посетено на 8 декември 2016.[мртва врска]
- ↑ Божиновска П., Жана (26 јуни 2016). „За пругата до Лерин и граничниот премин Маркова Нога ќе се бараат европски пари“. Дневник. Скопје: МПМ Македонија. Архивирано од изворникот на 2015-06-28. Посетено на 8 декември 2016.
- ↑ „Потпишана спогодбата за отворање нов граничен премин Маркова Нога - Лемос во преспанскиот регион“. Сител Телевизија. Посетено на 2019-03-09.
- ↑ 4,0 4,1 4,2 Д., М. (18 март 2006). „Каменот Маркова нога - дел од македонската митологија“. Дневник. Скопје: МПМ Македонија. Посетено на 8 декември 2016.[мртва врска]
- ↑ „Долно Дупени: како е да живееш до најјужната, затворена македонска граница (ФОТО)“. МКД.мк. Скопје. 6 септември 2012. Архивирано од изворникот на 2014-02-22. Посетено на 8 декември 2016.