Маркаваси

Маркаваси (Markawasi^[1]) или Маркауаси (Marcahuasi^[2]) е плато на Андите кое се наоѓа источно од Лима во Перу. Платото се наоѓа на околу 4.000 метри надморска височина, над селото Сан Педро де Каста. Местото е познато по камените фигури кои се распространети низ целото плато и воедно е туристичка атракција во регионот.

Опис

Платото е од вулканско потекло и е долго четири километри на надморска височина од 4.000 метри. Платото се наоѓа источно од Лима, главниот град на Перу, и во него се наоѓаат карпести гранитни формации кои имаат различни форми и облици. Денес постојат повеќе теории за потеклото на карпите. Најзастапена теорија е таа дека тие се создадени по природен пат, преку ерозија. Така, во месноста можат да се сретнат карпи налик на орел, фараон, коњ, јавач, Инка, Маја и познатиот Споменик на човештвото, меѓу останатите.

Наоѓалиштето за првпат е откриено и претставено на перуанската и светската јавност од д-р Даниел Рузо (1900-1991) во 1950-те години. Тој поминал долг период на платото и за него издал книга и публикации. Според Рузо, наоѓалиштето билао создадено од старата цивилизација Мазма. Оваа цивилизација опстојувала пред 10.000 години и имале развиена технологија чии резултати можеле да се видат на различни места во светот како што се Велигденскиот Остров, Романија, Мексико, Франција и Бразил. Оваа теорија не е во согласност со општоприфатената теоријата за настанокот на човекот.

Поради големата изолираност на платото, посетителите носат сè што е потребно за поминување на планираното време во Маркаваси. Сета опрема се носи рачно, со магариња или со коњи од Сан Педро де Каста. Најпознато место на камперите е големата дупка позната како „амфитеатар“.

Форми

Наоѓалиштето изобилува со поголем број облици, меѓу кои се:

споменик на човештвото
печурката
пророкот
сфингите
гулабот
алхемичарот
фоките
амфитеатарот
тврдината
желката
божицата Туерис и богот крокодил
камилата
коњот
Мајанецот и Инката

Наводи

↑ Според кечуанска/ајмарска транскрипција.
↑ Според шпанска транскрипција. На македонски може да се сретне и како Маркахуаси

Wiki Sumaq Peru Архивирано на 29 октомври 2007 г.
Video de Markahuasi Архивирано на 19 март 2019 г.
Articulo sobre Marcahuasi y sus misterios
López Mazzotti, Daniel (2001). A mochila en Perú. Exploradores peruanos.

Поврзано

Надворешни врски

Маркаваси емисија на UFO TV.

[1] Според кечуанска/ајмарска транскрипција.

[2] Според шпанска транскрипција. На македонски може да се сретне и како Маркахуаси

[1]

[2]