Манастир „Св. Ѓорѓија“ - Сопот

Свети Ѓорѓија — македонски православен манастир кој се наоѓа во близината на селото Сопот во околината на Велес. Манастирот е сместен веднаш на самиот лев брег на реката Вардар наспроти манастирот „Света Петка“ и висечкиот мост кој води кон ЖС „Рајко Жинзифов“ и селото С’лп. Веднаш над манастирот минува и делницата Скопје - Велес на автопатот „Александар Македонски“. Црковниот храм е новоградба, а непосредната околина на дворот е во завршна фаза на уредување. Во непосредната близина на црковниот храм се наоѓа трпезарија за ручање, на која се дели ручек за славата на патрониот празник на манастирот. Македонскиот просветител Јордан Хаџи Константинов - Џинот во својот напис „Велес - статистическо описание“ во „Цариградски весник“ од на 7 март 1859, за селото Сопот запишал дека е христијанско село кое има 10 куќи и урнатини од манастирот на средновековниот војвода Радич како и негова крепост. Имајќи ја предвид местоположбата на сегашниот манастир и остатоците од утрдувања во близината, може да се претпостави дека денешниот манастир се наоѓа на местото на некогашниот средновековен манастир.

Свети Ѓорѓија
Црквата Св. Ѓорѓија
македонска православна црква
Епархија	Повардарска
Архијерејско намесништво	Велешко
Местоположба
Место	Сопот
Општина	Велес
Држава	Македонија
Општи податоци
Покровител	Свети Ѓорѓи
Архитектонски опис

Галерија

• 
  Поглед на старата манастирска црква од северозапад
• 
  Поглед на старата манастирска црква од северозапад
• 
  Влезната порта во манастирскиот двор
• 
  Камена плоча со латински натпис, во дворот