Кривошијска Река
Кривошијска Река — краток водотек во долината Лешница, Шар Планина. Таа е притока на Пена.[1] Таа е долга околу 3,5 км.[2]
| Кривошијска Река | |
|---|---|
 Реката во 2023 година | |
| Местоположба | |
| Држава | Македонија |
| Физички особености | |
| Извор | Шар Планина |
| Устие | Пена |
| Должина | 3,5 км |
| Особености на сливот | |
| Течение | Пена→ Вардар→ Егејско Море |
Особености
уреди
Реката тече речиси во меридијански правец од југ кон север. Нејзиното извориште (41°59′16″N 20°46′57″E / 41.987904° СГШ; 20.782633° ИГД) е на 2200 до 2300 м надморска височина во циркот Кривошија/Крива Шија, западно од Титов Врв. Во Пена се влева на надморска височина од 1500 м (42°01′08″N 20°46′44″E / 42.01882° СГШ; 20.77876° ИГД), што значи дека на така кратка должина има огромен пад од дури 700 м. Најголем дел од водата во изворите на рекичката потекнува од врнежите и топењето на снегот во циркот.[3]
Во долниот тек на реката се наоѓаат Кривошијски Кади, наречени Кривошијски Слап,[4] или Долно Цкало. Тие се мали водопади кои прават кади во коритото. Слапот се наоѓа на надморска височина помеѓу 1550 и 1600 м и се состои од вкупно 6 водопади. Посебно истакнат е горниот водопад висок 11,2 м (6,7+4,5 м) чија вода паѓа во кружно издлабена карпеста сала, создавајќи голем базен (џиновски лонец/када) на дното.[3]
На 30-тина метри низводно се долните четири водопади скалесто наредени еден под друг, чија вкупна височина е околу 30 м. Поради всеченоста на водопадите во карпите, тие делумно се задскриени од погледот и тешко може целосно да бидат видени (всушност, може, но пристапот е ризичен). Затоа пак, високиот пад на водата создава силна бука која се слуша од далеку. Според проценките на д-р Ивица Милевски и ост., протекот на водата на овој слап е од 30 литри во секунда во август и септември, до преку 300 литри во секунда во мај и јуни, за што сведочат крупните валутоци и парчиња карпи по дното.[3]
Во горниот тек на реката се наоѓа Кривошијскиот Водопад,[4] наречен и Горно Цкало.[1][2]
Галерија
уреди-
Долната Кривошијска Када -
Долната Кривошијска Када
-
Долната Кривошијска Када -
Долната Кривошијска Када
-
Горната Кривошијска Када -
Горната Кривошијска Када -
Горниот тек на реката -
Горниот тек на реката -
Горниот тек на реката и Кривошијскиот Водопад
Наводи
уреди- ↑ 1,0 1,1 „ХИДРОЛОГИЈА“. sharplanina.com.mk. Архивирано од изворникот 2014-05-31. Посетено на 28 јули 2023.
- ↑ 2,0 2,1 „Предлог за 8-ми Септември: Лешница и преубавите водопади на Кривошијска Река“. kajak.mk. 7 септември 2020. Архивирано од изворникот 2023-07-31. Посетено на 31 јули 2023.
- ↑ 3,0 3,1 3,2 Ивица Милевски (2 март 2021). „Убавините на Кривошијска Река на Шар Планина“. aberdojde.mk. Архивирано од изворникот 2023-02-02. Посетено на 31 јули 2023.
- ↑ 4,0 4,1 Александар Стојаноски (6 септември 2019). „Магијата на Лешница и Кривошијските слапови“. doma.edu.mk. Архивирано од изворникот 2022-07-06. Посетено на 31 јули 2023.
Надворешни врски
уреди
Кривошијска Река на Ризницата ?
