Кој го намести Жан Мусташ?

„Кој го намести Жан Мусташ?“ (италијански: Chi ha incastrato Jean Moustache?) - роман за деца, дело на италијанските писатели Алесандро Гати и Давиде Моросиното и на илустраторот Стефано Туркони. Книгата е прв дел од серијалот „Мачки детективи“. Првобитно, книгата била објавена во 2014 година од издавачката куќа „Edizioni Piemme“ S.p.A.

Изданија на македонски јазик

Книгата е издадена на македонски јазик во 2015 година од Арс ламина - публикации, како дел од едицијата „Бестселери за деца“. Преводот од италијански јазик го извршила Анета Симовска. Лектурата е дело на Јасмина Ѓоргиева, а техничкото уредување е направено во Арс Ламина - публикации. Книгата е отпечатена во печатницата „Бранко Гапо - графичко производство“ од Скопје, во тираж од 1.000 примероци. Таа има 132 страници, со формат од 12 x 20 сантиметри. Книгата е каталогизирана во НУБ „Св. Климент Охридски“ - Скопје и ја носи меѓународната ознака: ISBN 978-608-229-939-6 (едицијата) и ISBN 978-608-229-930-3.

Содржина

Книгата има десет глави:

• Воспитување на мачките
• Излет во мачешкиот мрак
• Мачки во акција!
• Остриги и ракови
• Препечена бонбона
• Слаткар во неволја
• Расфрлани ливчиња
• Ноќен телефонски повик
• Четири мачки и едно писмо
• Прошетка покрај Сена