Керчки Полуостров

Керчки Полуостров (руски: Керченский полуостров, кримскотатарски: Keriç yarımadası, украински: Керченський півострів) — полуостров во источниот дел на Крим, Русија. Се протега кон Таманскиот Полуостров во Краснодарскиот крај и потсетува на теснец помеѓу двете соседни мориња: Азовското и Црното Море. Поголемиот дел од полуостровот влегува во рамките на Ленинскиот реон.

Карта на Керчкиот Полуостров.

Полуостровот е скоро целосно опкружен со вода и само на запад се поврзува со копното на Крим преку теснец кој е широк само 17 километри (од јужниот крај на Арбатскиот Провлак до градот Приморски, Феодосија). Јужниот брег на полуостровот се граничи со самото Црно Море и Феодосискиот Залив, додека на исток како природна граница е Керчкиот Проток, додека северните брегови се дел од брегот на Азовското Море, Казантипскиот Залив и Арбатскиот Залив. Северозападно од полуостровот се издвојува друг теснец познат како Арбатски Провлак, кој го раздвојува Сиваш од Азовското Море.

Најширок дел од полуостровот е помеѓу ’ртот Казантип и ’ртот Хауда, околу 52 километри. Должината на полуостровот е над 90 километри од западниот дел до ’ртот Фонар. Вкупната површина на полуостровот е само 2.830 км², што е само 10% од вкупната површина на Крим.

Поврзано

• Керчки Проток
• Ленински реон
• Кримски мост

Надворешни врски

• Керчки Полуостров на Големата советска енциклопедија (руски)
• Подетален опис на полуостров (руски)
• Реки и заливи на Керчкиот Полуостров Архивирано на 19 август 2011 г. (руски)
• Карти за областа Архивирано на 9 декември 2010 г.